ಧೊಸುಂಕ್ ಸಕ್ಚಿಂ ಹಾಯ್ಕು

ಧೊಸುಂಕ್ ಸಕ್ಚಿಂ ಹಾಯ್ಕು

ತಿಣೆಂ ಅತ್ತಾಂ

ದೂರ್ ಪುಸುನ್ ಕಾಡ್ಲೆಂ ಬೊಟಾಂನಿ

ಭಿಜ್ ಲ್ಲ್ಯಾ ದೊಳ್ಯಾಂತ್ಲೆಂ

 ***

ರಿತೊ ಫೊಂಡ್

ಫುಲಾಕ್ ಸಾಂಡ್ ಲ್ಲ್ಯಾ ಪರ್ಮಳಾಪರಿಂ, ಗೆಲಾ;

ಧರುಂಕ್ ಜಾತಾ?

 ***
 ಮ್ಹಜಿ ಪರ್ನಿ ದೋಣ್
ನಂಯ್ಚೆ ಪಾಟಿರ್ ಸವಾರಿ ಕರ್ತಾ ಮರ್ಜೆನ್
ಅಜೂನ್ ಥಳಾಕ್ ತಿಳಿನಾಸ್ತಾಂ!

 ***

ಹೊಡ್ಯಾರ್ ಚಡುನ್

ಗೆಲ್ಲ್ಯಾನ್ ಪಾಟಿಂ ಪಳೆಲೆಂ ಗತ್ತಾನ್,

ನಿರ್ಭಾವುಕ್ ಉದಕ್!

 ***

ನಿಮಾಣಿ ಪಾಕ್ಳಿ

ಸಾಂಡುನ್ ಉಬ್ಲೆಂ ಪಿಸೊಳೆಂ ತುರ್ತಾನ್

ದುಸ್ರ್ಯಾ ಫುಲಾಕ್!

 ***
 ಮೌನ್ ರಾತ್
ಏಕ್ ಸುಣೆಂ ಮಾತ್ರ್ ಘೊಂಕ್ತಾ-
ತಾಂಗೆಲ್ಯಾ ಸೊಪ್ಯಾರ್

 ***
ಕಠೀಣ್ ಪಾವ್ಸ್
ಮಾರ್ತಾ ಸರ್ಸರಿತ್ ಮ್ಹಜೆ ಸತ್ರೆರ್ -
ಮೂಟ್ ಸೊಡಿನಾಂ!

 ***
ಕೊಯ್ತಿ ಪಾಜ್ಚೊ ಆವಾಜ್
ಬೊತ್ಲಿ ಖೊಂವ್ಚಿಚ್ಯಾ ದೊರ್ಯಾರ್ ನೊದ್ಲ್ಯಾ
ಧವ್ಯಾ ಫುಲಾಂಚಿ ವಾಲ್

 ***

ಫುಲಾಂ ನಾಂತ್

ತುಜ್ಯಾ ಪಾಂಯಾಂ ಮುಳಾ ಆಜ್-

ಪಾಂತಿಯೆರ್ ಆಸಾತ್!

 ***

ತಕ್ಲಿ ತೆಂಕ್ಲಿ

ಪಯ್ಲೆಪಾವ್ಟಿಂ ತಿಚ್ಯಾ ಹರ್ದ್ಯಾರ್-

ಫೊಂಡಾ ಮುಳಾ!