ಉಜ್ಯಾಕ್ ಬಲಿ ಜಾಲ್ಲ್ಯಾಂಚಿಂ ಕಂತಾರಾಂ - ಚುಟ್ಕುಲಾಂ

ಉಜ್ಯಾಕ್ ಬಲಿ ಜಾಲ್ಲ್ಯಾಂಚಿಂ ಕಂತಾರಾಂ

ರಾತಿಂ ಏಕ್

ಸಪಣ್ ಭಿರಾಂಕುಳ್ ಪಡ್ಲಾಂ’ಸ್ತೆಲೆಂ

ಶೆರ್ ಉಡುನ್ ಪಡ್ಲಾಂ 

ಪಾಂತ್ಯಾರ್!

***

ಗಾಂವ್ ನ್ಹಯ್
ಹೆಂ ಮಸಣ್!
ಹಾಂಗಾಚೊ ಉಜೊ ಯಿ ಮತ್ಲಬಿ
ತೊ ಫುಲಾಂಕಿ - ಮಾಲಿಕ್ ಯಿ ಗ್ರಾಸಿತಾ -
ಉಜೊ ದಿತೆಲ್ಯಾಕ್ ಏಕ್ ಸೊಡ್ನ್!

***

ತಾಂಚ್ಯಾ ಬಂದೂಕೆಚ್ಯಾ ಗುಳ್ಯಾಂಕ್
ಪಾರ್ವೆ ಎಕ್ಕಿ ಉಭ್ಲೆನಾಂತ್
ನಿಜಾಯ್ಕಿ ಪಾರ್ವೆ ಥಂಯ್ ನಾಂತ್ ಚ್-
ಸಗ್ಳೆ ಗೀದ್ ಜಾಲ್ಯಾತ್!
 ***

ಕಾಲ್ ಜಿವೆಂಚ್

ಜಳ್ ಲ್ಲೆ ತೆ ಹಳ್ಳೆಂತ್

ಆಯ್ಚೆ ಸಕಾಳಿಂ

ಎಕಾಮೆಕಾಚಿಂ ತೊಂಡಾಂ ವಿದ್ರೂಪ್-

ಪಳೆವ್ನ್ ಘೆಂವ್ಕ್

ಎಕ್ ಚ್ ಏಕ್ ಆರ್ಸೊಯ್

ಉರುಂಕ್ ನಾ!

***

ಚತ್ರಾಯ್!

ಗೊಬ್ರಾಂತ್ ಲಿಪ್ ಲ್ಲಿಂ ಮುಖಾಂ

ವಿದ್ರೂಪ್

ಮ್ಹಣಾನಾಕಾತ್…

ತೊ ಗೊಬೊರ್

ಆಸಾ ಕೆಲ್ಲ್ಯಾಂಚಿ ಮುಖಾಂ

ತುಮಿ ದೆಕ್ ಲ್ಲೆ ಖರಿತ್!