ಬಂಧಿ ಕುಡಾ ಥಾವ್ನ್
ಏಕ್ ಪಿಂರ್ಗೊಣ್ ಗುಪ್ತಿಂ ಪೊಳುನ್ ಗೆಲ್ಯಾ -
ಕೊಣಿ ಸೊಧ್ನೆರ್ ನಾಂತ್!
***
ಸಾಂಜ್ ನಿಸ್ರೊನ್ ಯೆತಾನಾ
ಸುಕ್ಣಿಂ ಘೊಂಟೆರಾಕ್ ಪಾಟಿಂ ಪಾವ್ತಾನಾ
ಘರ್ಚಿ ಜಬ್ಬೊರ್ ಯಾದ್
***
ಜಯ್ತಾಚೆ ಆಂಗ್ಡಿ
ಖಾಯಾಮ್ ಗಿರಾಯ್ಕ್ ಕೊಣೀ ನಾ –
ರಾಕ್ತಲೊ ಭಾಗಿ!
***
ಬಾಪಾಯ್ಚೆಂ ಮೊರ್ನ್
ಲಂಡನಾಂತ್ಲಿ ಧುವ್ ಮೊಡ್ಯಾ ಸಂಗಿಂ
ಸೆಲ್ಫಿ ಕಾಡ್ತಾ
***
ಪಾನಾರ್ ಥೆಂಬೆ
ಧೋವ್ ನ್ಹಯ್, ರೂಚ್ ಮಿಟಾಚಿ!
ಭೊವ್ ಶಾ ದುಕಾಂ!!
***
ವೋ ಥಂಯ್
ಪಳೆ ದುಸ್ಮಾನಾ, ಆಪಯ್ತಾ ಫೊಂಡ್ -
ತುಕಾಯ್-ಮ್ಹಾಕಾಯ್!
***
ಧೆಸ್ವಾಟೆ ಜಾಗ್ಯಾರ್
ಸೊಧ್, ಸೊಧ್ ಭರ್ವಸೊ ಸಾಂಡಿನಾಕಾ -
ಮೆಳತ್ ತಿಜೋರಿ!
***
ಕಾಡಿಯೆ ಪೆಟೆಂತ್ಲ್ಯೊ
ಉಜ್ಯಾ ಕಾಡಿಯೊ ಶೆಳೆವ್ನ್ ಗೆಲ್ಯಾತ್-
ಮನಿಸ್ ಚ್ ಜಳ್ತಾ!
***
ಚುಕನಾಸ್ತಾಂ ಆಯ್ಲಿ
ಸಗ್ಳಿಂ ಉಡ್ಕಾಣಾಂ ನಿದೆಕ್ ಘಾಲ್ಚಿ
ವಿಶ್ವಾಸಿ ರಾತ್
***
ಪೊರುಂಚ್ಯಾ ಝೆಲ್ಯಾಚೆಂ
ಸುತ್ ಆಜ್ ಯಿ ಉಮ್ಕಾಳ್ತಾಲೆಂ ಗಳ್ಯಾಂತ್
ಹೇ ರಾಮ್!
***
ರಯ್ತಾ ಹರ್ದ್ಯಾರ್
ಘಾಮಾಚಿ, ಪರ್ನಿ ತುಟಾನಾತ್ಲಿ ಬೆಂತಿಣ್
ತಸೊ ಭಾವಾಡ್ತ್!
***
ಕಾಲ್ಚಿಂ ಫುಲಾಂ
ತ್ಯಾಚ್ ರುಕಾ ಮುಳಾ ಆಜ್-
ಪಾಳಾಂಕ್ ತೃಪ್ತಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ