ಹಾಯ್ಕು - 1
ರುಕಾರ್ ಆಂಬೆ
ಆಂಬ್ಯಾರ್ ಪಾಕ್ಯಾಂ ಧಾಡ್,
ಕಾಳ್ಜಾಂತ್
ಭೊಕೊರ್ಲೆಲೆ ಘಾಯ್!
***
ಅಡ್ಡಾದಿಡ್ಡಿ ಬೂಕ್
ಪಾನಾಂಗಟ್ಲ್ಯಾನ್ ಬರಪ್ ಮೆಜಾರ್
ಗುಜ್ರಿವಾಲೊ ಬೊಬಾಟ್ತಾ
***
ತೊ ವಿಗಾರ್
ಗೊಬೊರ್ ತಾಚ್ಯಾಯ್, ಮ್ಹಜ್ಯಾಯ್
ಮ್ಹಾತ್ಯಾರ್
ಆಮಿ ಭಾಭಾವ್!
***
ಮಯ್ಲಾ ಫಾತೊರ್
ಹೊ!
ನಿಸ್ರೊನ್ ವೆತಾ ಸಾಂಜ್
ಹಾಂವ್ ಧಿಮ್ಕುರೆಂ ಬಾಳ್
***
ನವೊ ಅರ್ಥ್ ಕೋಶ್
ಸಬ್ದಾಂ ಸೊರ್ಮುಣಾಂತ್ ಮ್ಹಜ್ಯಾ
ಮೌನಾಕ್
ಅರ್ಥ್ ನಾ ಜಾಲಾ!
***
ರಾತಿಂ ಸುಣ್ಯಾ ಭಾಂಗ್
ಕೋಣ್ ಎಕ್ಲೊ ಗಾಳಿ
ಯೆಟ್ತಾ, ಹಾಂವ್
ಆವಾಜಾವಿಣ್ ಶಿಜ್ಚಿ ಮೊಡ್ಕಿ
***
ತುಕಾ ಕಿತ್ಲಿಂ ವೊರಾಂ?
ಮ್ಹಜೆಂ ವಾಚ್ ರಾವ್ಲಾಂ,
ಜಿಣಿ ಆಶಿ
ಏಕ್ ಲಾಂ…ಬ್ ದೀಸ್!
***
ನಿದೊನ್ ಪಡ್ಲಾ ವಾಚ್ ಮೆನ್
ಟಿಕ್-ಟಿಕ್ ತಾ ಕಾಂಟೊ ಹರ್ ಘಡಿ
ಚೋರ್ ವಾಚ್ ಭಾಂದಿನಾ!
***
ತಟಸ್ಥ್ ದೊನ್ಪಾರ್
ಉಸ್ವಾಸುಂಕ್ ವಿಸ್ರಾಲ್ಲಿ ಥಂಡ್ ಪ್ರಕೃತಿ
ಹಾಂವ್ ನಿದ್ತಾನಾ!
***
ಹಾಂವ್ ಯಿ ಪಡ್ತಾಂ
ಹಾಸ್ತೆಲ್ಯಾಂಕ್ ಸುಂಕ್ ನಾ,
ತರಿ ಹಾಂವ್
ಚಲ್ಚೆಂ ರಾವಯ್ನಾ
***
ಎಕ್ ಚ್ ಮಾರ್
ತೀನ್ ಮುಯೊ ಮೆಲ್ಯೊ,
ಭಿಯೆಲೊಂ
ಭುರ್ಗೆಂ ಚೊಯ್ತಾಲೆಂ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ