ಮೊಠಾಂತ್ಲೆಂ ಹಾಯ್ಕು
ಮೊಠಾಂತ್ಲಿ ಸಾಂಜ್
ಮಾಗ್ಣ್ಯಾ ಕಾಂಪಿಣ್ ವಾಜ್ಲಿ, ಹಾಂವ್
ಘುಸ್ಪಡ್ಲೊಂ
ಪಾರ್ಲರಾಂತ್ ಭಿಕಾರಿ!
***
ಮೊಠಾಂತ್ ಜಾಗ್ ನಾ
ದೊನ್ಪಾರಾಂಚಿ ಸವಯೆಚಿ ಸಿಯೆಸ್ತಾ,
ಅವ್ಚಿತ್ ಅಲರಾಂ
ಪಿಡೆಸ್ತ್ ಮೊಠ್ವಾಸಿಚಿ ಖೊಂಕ್ಲಿ!
***
ಶಿರಾಧಾರಿಂಚೊ ಪಾವ್ಸ್
ಮೊಠಾಂತ್ ಜಾಗ್ ಮಾಗ್ ನಾ-
ಮುಯೊ ಬಿಝಿ
***
ಮೊಠಾಂತ್ಲಿ ಪಿಕಿ ಸಾಂಜ್
ಮೊಠ್ವಾಸಿಂಚೆಂ ದಾಟ್ ಮೌನ್,
ಬೊವ್ ಶಾ
ದೇವ್ ಕಾಮಾರ್ ಪಡ್ಲಾ!
***
ಪಾಕೆಂ ಪೊಂವ್ತಾ
ಮಠ್ವಾಸಿ ಮಠಾಂತ್ ಕಂಯ್ ದಿಸಾನಾ-
ಹಿತ್ಲಾಂತ್ ಭಿಜ್ತಾ!
***
ಧ್ಯಾನಾ ವೆಳಾ
ದೇವ್ ಪುಸ್ಪುಸ್ಯಾಂ ಉಲಂವ್ಕ್ ಲಾಗ್ತಾನಾ
ನಿದ್ರೆಸ್ತ್ ಮಠ್ವಾಸಿ
***
ಸರಿಯೆರ್ ಸುಕ್ಚ್ಯಾ
ಮಠ್ವಾಸಿಚ್ಯಾ ದಗ್ಲ್ಯಾಕ್ ಕ್ಲಿಪ್ಪಾಂ ಕಿತ್ಯಾ?
ಮಠ್ವಾಸಿ ಹಾಸ್ಲೊ
***
ಕರ್ಕಟೆಂ ವೋತ್
ಮೊಠಾಂತ್ ಗಂಬೀರ್ ಮೌನ್, ಭಿತರ್-
ಪ್ರಫುಲ್ಲ್ ಮನ್!
***
ಮೊಠಾಚ್ಯೊ ವೊಣ್ತಿ
ತಾಂಚೆರ್ ತಕ್ಲಿ ಬಾಗಾಯಿಲ್ಲೊ ಕ್ರೀಸ್ತ್
ಮೊಠ್ವಾಸಿ ಬಳ್ವಂತ್
***
ಸಾಂತೆಂತ್ಲೆ ಮತಿಕ್
ಶಾಂತಿಚ್ಯಾ ಹಿಂದ್ಳ್ಯಾರ್ ಧಲಯ್ತಾ ಸಾಂಜೆರ್-
ಮೊಠಾಂತ್ಲೆಂ ಗಾಯನ್!
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ