ಧೊಸುಂಕ್ ಸಕ್ಚಿಂ ಹಾಯ್ಕು

ಧೊಸುಂಕ್ ಸಕ್ಚಿಂ ಹಾಯ್ಕು

ತಿಣೆಂ ಅತ್ತಾಂ

ದೂರ್ ಪುಸುನ್ ಕಾಡ್ಲೆಂ ಬೊಟಾಂನಿ

ಭಿಜ್ ಲ್ಲ್ಯಾ ದೊಳ್ಯಾಂತ್ಲೆಂ

 ***

ರಿತೊ ಫೊಂಡ್

ಫುಲಾಕ್ ಸಾಂಡ್ ಲ್ಲ್ಯಾ ಪರ್ಮಳಾಪರಿಂ, ಗೆಲಾ;

ಧರುಂಕ್ ಜಾತಾ?

 ***
 ಮ್ಹಜಿ ಪರ್ನಿ ದೋಣ್
ನಂಯ್ಚೆ ಪಾಟಿರ್ ಸವಾರಿ ಕರ್ತಾ ಮರ್ಜೆನ್
ಅಜೂನ್ ಥಳಾಕ್ ತಿಳಿನಾಸ್ತಾಂ!

 ***

ಹೊಡ್ಯಾರ್ ಚಡುನ್

ಗೆಲ್ಲ್ಯಾನ್ ಪಾಟಿಂ ಪಳೆಲೆಂ ಗತ್ತಾನ್,

ನಿರ್ಭಾವುಕ್ ಉದಕ್!

 ***

ನಿಮಾಣಿ ಪಾಕ್ಳಿ

ಸಾಂಡುನ್ ಉಬ್ಲೆಂ ಪಿಸೊಳೆಂ ತುರ್ತಾನ್

ದುಸ್ರ್ಯಾ ಫುಲಾಕ್!

 ***
 ಮೌನ್ ರಾತ್
ಏಕ್ ಸುಣೆಂ ಮಾತ್ರ್ ಘೊಂಕ್ತಾ-
ತಾಂಗೆಲ್ಯಾ ಸೊಪ್ಯಾರ್

 ***
ಕಠೀಣ್ ಪಾವ್ಸ್
ಮಾರ್ತಾ ಸರ್ಸರಿತ್ ಮ್ಹಜೆ ಸತ್ರೆರ್ -
ಮೂಟ್ ಸೊಡಿನಾಂ!

 ***
ಕೊಯ್ತಿ ಪಾಜ್ಚೊ ಆವಾಜ್
ಬೊತ್ಲಿ ಖೊಂವ್ಚಿಚ್ಯಾ ದೊರ್ಯಾರ್ ನೊದ್ಲ್ಯಾ
ಧವ್ಯಾ ಫುಲಾಂಚಿ ವಾಲ್

 ***

ಫುಲಾಂ ನಾಂತ್

ತುಜ್ಯಾ ಪಾಂಯಾಂ ಮುಳಾ ಆಜ್-

ಪಾಂತಿಯೆರ್ ಆಸಾತ್!

 ***

ತಕ್ಲಿ ತೆಂಕ್ಲಿ

ಪಯ್ಲೆಪಾವ್ಟಿಂ ತಿಚ್ಯಾ ಹರ್ದ್ಯಾರ್-

ಫೊಂಡಾ ಮುಳಾ!

ದೊಳ್ಯಾಂನಿ ಲಿಪ್ ಲ್ಲೆಂ ಹಾಯ್ಕು

ದೊಳ್ಯಾಂನಿ ಲಿಪ್ ಲ್ಲೆಂ ಹಾಯ್ಕು

ಬಂಧಿ ಕುಡಾ ಥಾವ್ನ್

ಏಕ್ ಪಿಂರ್ಗೊಣ್ ಗುಪ್ತಿಂ ಪೊಳುನ್ ಗೆಲ್ಯಾ -

ಕೊಣಿ ಸೊಧ್ನೆರ್ ನಾಂತ್!

 ***

ಸಾಂಜ್ ನಿಸ್ರೊನ್ ಯೆತಾನಾ

ಸುಕ್ಣಿಂ ಘೊಂಟೆರಾಕ್ ಪಾಟಿಂ ಪಾವ್ತಾನಾ

ಘರ್ಚಿ ಜಬ್ಬೊರ್ ಯಾದ್

 ***

ಜಯ್ತಾಚೆ ಆಂಗ್ಡಿ

ಖಾಯಾಮ್ ಗಿರಾಯ್ಕ್ ಕೊಣೀ ನಾ –

ರಾಕ್ತಲೊ ಭಾಗಿ!

 ***

ಬಾಪಾಯ್ಚೆಂ ಮೊರ್ನ್

ಲಂಡನಾಂತ್ಲಿ ಧುವ್ ಮೊಡ್ಯಾ ಸಂಗಿಂ

ಸೆಲ್ಫಿ ಕಾಡ್ತಾ

 ***

ಪಾನಾರ್ ಥೆಂಬೆ

ಧೋವ್ ನ್ಹಯ್, ರೂಚ್ ಮಿಟಾಚಿ!

ಭೊವ್ ಶಾ ದುಕಾಂ!!

 ***

ವೋ ಥಂಯ್

ಪಳೆ ದುಸ್ಮಾನಾ, ಆಪಯ್ತಾ ಫೊಂಡ್ -

ತುಕಾಯ್-ಮ್ಹಾಕಾಯ್!

 ***

ಧೆಸ್ವಾಟೆ ಜಾಗ್ಯಾರ್

ಸೊಧ್, ಸೊಧ್ ಭರ್ವಸೊ ಸಾಂಡಿನಾಕಾ -

ಮೆಳತ್ ತಿಜೋರಿ!

 ***

ಕಾಡಿಯೆ ಪೆಟೆಂತ್ಲ್ಯೊ

ಉಜ್ಯಾ ಕಾಡಿಯೊ ಶೆಳೆವ್ನ್ ಗೆಲ್ಯಾತ್-

ಮನಿಸ್ ಚ್ ಜಳ್ತಾ!

 ***

ಚುಕನಾಸ್ತಾಂ ಆಯ್ಲಿ

ಸಗ್ಳಿಂ ಉಡ್ಕಾಣಾಂ ನಿದೆಕ್ ಘಾಲ್ಚಿ

ವಿಶ್ವಾಸಿ ರಾತ್

 ***

ಪೊರುಂಚ್ಯಾ ಝೆಲ್ಯಾಚೆಂ

ಸುತ್ ಆಜ್ ಯಿ ಉಮ್ಕಾಳ್ತಾಲೆಂ ಗಳ್ಯಾಂತ್

ಹೇ ರಾಮ್!

 ***

ರಯ್ತಾ ಹರ್ದ್ಯಾರ್

ಘಾಮಾಚಿ, ಪರ್ನಿ ತುಟಾನಾತ್ಲಿ ಬೆಂತಿಣ್

ತಸೊ ಭಾವಾಡ್ತ್!

 ***

ಕಾಲ್ಚಿಂ ಫುಲಾಂ

ತ್ಯಾಚ್ ರುಕಾ ಮುಳಾ ಆಜ್-

ಪಾಳಾಂಕ್ ತೃಪ್ತಿ