ರೆಮೊ ಏಕ್ ಸುವಾರ್ತಾ ವಾಂಟ್ಪಿ?
ತೊ ಜಲ್ಮಾನ್ ಕ್ರಿಸ್ತಾಂವ್ ನ್ಹಯ್!
ಗುಜರಾತ್ ಶೆರಾಚ್ಯಾ ಜಮ್ನಾಗರಾಂತ್ ಜಲ್ಮಾಲ್ಲೊ ರಮೇಶ್
ಗೋಪಿ ಏಕ್ ನಾಚ್ಪಿ, ಕೊರಿಯೊಗ್ರಾಫರ್. ಡಾನ್ಸ್ ಇಂಡಿಯಾ ಡಾನ್ಸ್ ಪಳೇವ್ನ್ ಆಸ್ ಲ್ಲ್ಯಾಂಕ್ ಹಾಚಿ
ವ್ಹಳಕ್ ಧರ್‍ಚಿ ಕಾಂಯ್ ಕಷ್ಟಾಂಚಿ ಗಜಾಲ್ ನ್ಹಯ್.
ತೊಚ್ ಹೊ ’ರೆಮೊ ಡಿ’ ಸೋಜಾ’ ಖುಶೆನ್ ಕ್ರಿಸ್ತಾಂವ್
ಪಣ್ ಆಪ್ಣಾಯಿಲ್ಲೊ ವೆಕ್ತಿ!!
ಏಕ್ ಕ್ರಿಸ್ತಾಂವ್ ಖಂಯ್ ಗೆಲ್ಯಾರಿ, ಕಿತೆಂ ಕೆಲ್ಯಾರಿ
ಕಾಳ್ಜಾಂತುನ್ ಮಿಶನರಿ ಜಾವ್ನಾಸ್ತಾ ಮ್ಹಳ್ಳ್ಯಾಕ್ ಹೊಚ್ ಏಕ್ ನಿದರ್ಶನ್!
ಹಾಣೆಂ ತಸಲೆಂ ಕಿತೆಂ ಕೆಲೆಂ?
ತೊ ವೃತ್ತೆನ್ ಕೊರಿಯೊಗ್ರಾಫರ್. ’ಡಿಐಡಿ’ ಂತ್ ನಾಚ್ಪ್ಯಾಂಕ್
ತರ್ಭೆತ್ ಕರ್ಚೊ ಮೆಸ್ತ್ರಿ. ತ್ಯಾ ರಂಗ್ ಮಾಂಚಿಯೆರ್ ತಾಣೆಂ ದಿಗ್ದರ್ಶನ್ ದಿಲ್ಲೆ ಪರಿಂ ನಾಚ್ಪಿ
ನಾಚ್ತಾ. ಅನಿ ಹ್ಯಾ ಸ್ಪರ್ದ್ಯಾಕ್ ತೊಯಿ ಏಕ್ ಜಡ್ಜ್. ಏಕ್ ಪಾವ್ಟಿಂ ಬಸೊನ್ ಹೆರಾಂಚೊ ನಾಚ್ ಪಳೆವ್ನ್
ವರವ್ಣಿ ಕರ್ತಾನಾ ತಾಚ್ಯಾ ದೊಳ್ಯಾಂ ಮುಕಾರ್ ನಿಟಾಯೆಕ್ ಏಕ್ ಖುರಿಸ್ ಯೆವ್ನ್ ಮಾಯಾಗ್ ಜಾಲೊ ಖಂಯ್!!
ಥಂಯ್ಚ್ ಏಕ್ ಐಡಿಯಾ ಮತಿಕ್ ಝಳ್ಕಾಲಿ. ಜೆಜುಚ್ಯೊ
ನಿಮಾಣ್ಯೊ ಘಡಿಯೊ ಪಿಂತ್ರಾಂವ್ಕ್ ಜಾಯ್… ತೊ ಕಾರ್ಯಾಕ್ ದೆಂವ್ಲೊಚ್!! ಆಪ್ಣಾಕ್ ಮೆಳ್ ಲ್ಲೆಂ ಭಾವಾಡ್ತಾಚೆಂ
ದೆಣೆಂ ವಾಂಟುಂಕ್ ತಿಚ್ ವೆದಿ ತಾಣೆಂ ವಾಪಾರ್ಲಿ. ದೊಗಾಂ ನಾಚ್ಪ್ಯಾಂಕ್ ತಾಣೆಂ ತಯಾರ್ ಕೆಲೆಂ ಆನಿ
ಏಕ್ ವಿಶಿಶ್ಟ್ ನಾಚ್ ಪ್ರದರ್ಶಿತ್ ಕೆಲೊ. ಥೊಡ್ಯಾಂಚ್ಯಾ ದೊಳ್ಯಾಂನಿ ಪುಣಿ ದುಖಾಂ!
ಹ್ಯಾ ನಾಚಾಂತ್ ಮ್ಹಾಕಾ ಆಕರ್ಶಿತ್ ಕೆಲ್ಲೊ ಏಕ್ ಅಂಶ್
– ಜೆಜು ಕುಡಿಂತ್ ಕಿತ್ಲೊ ವ್ಹಳ್ವಳ್ಳೊ ತೆಚ್ ವ್ಹಳ್ವಳೆ ಮರಿಯೆನ್ ಯಿ ಆತ್ಮಾಂತ್ ಭೊಗ್ಲೆ.. ಆಶೆಂ
ರೆಮೊನ್ ದಾಕಯ್ಲಾಂ! ಕಿತೆಂ ಅಪೂರ್ಭಾಯ್!! ಡಾನ್ಸಾಂತ್ ಯಿ ದೇವ್ ಶಾಸ್ತ್ರಾಚಿ ಶಿಕವ್ಣ್..
ಮಿಶನರಿ ಜಾಂವ್ಕ್ ಸಾತ್ ದರ್ಯೊ ಉತ್ರೊನ್ ವ್ಹಚಾಜಯ್
ಗಿ? ಆಮ್ಚ್ಯಾ ಆಮ್ಚ್ಯಾ ವೃತ್ತೆಂತ್ ಯಿ ಅಪೂರ್ಭಾಯೆನ್ ಹೆಂ ಕಾಮ್ ಕರ್ಯೆತ್ ಮ್ಹಣ್ ದಾಕಯಿಲ್ಲ್ಯಾ
ರೆಮೊಕ್ ಚೆಪೆಂ ಉಕಲ್ಯಾಂಗಿ?
ನಿಮಾಣೆಂ, ಮಿಶನರಿ ಕಾಮ್ ಮ್ಹಳ್ಯಾರಿ ಕಿತೆಂ? ಆಪುಣ್
ಕ್ರಿಸ್ತಾಚೊ ಮ್ಹಣ್ ಉಗ್ತ್ಯಾನ್ ಸಾಂಗ್ಚೆಂಚ್ ನ್ಹಯ್ ಗಿ!? ತೆಂಚ್ ಉತ್ರಾಂನಿ, ಕರ್ನೆನಿ, ವಾವ್ರಾನ್
ದಾಕಯ್ಲ್ಯಾರ್ ಭೊವ್ ಅರ್ಥಾಭರಿತ್.
ನಾಚಾಚೊ ಹೊ ವಿಡಿಯೊ ಪಳೆಯಾ...
)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ