ಕಾಳ್ಜಾ ಗಾಜ಼್

ರಾಗ್ ಆನಿ ಹೆರ್ ನಾನೋ ಕಾಣಿಯೊ

ರಾಗ್

ಶಿಸಾನ್ ಗುರು ಲಾಗಿಂ ವಿಚಾರ್ಲೆಂ: "ರಾಗಾರ್ ಜಾತಾನಾ ಆಮಿ ಕಿತ್ಯಾಕ್ ಬೊಬಾಟ್ತಾಂವ್?"

ಶಿಸಾನ್ ತಕ್ಲಿ ಖೊರ್ಪಿಲಿ, "ಕಿತ್ಯಾ ಮ್ಹಳ್ಯಾರ್ ಆಮ್ಕಾಂ ಕಂಟ್ರೊಲ್ ಚುಕ್ತಾ, ದೆಕುನ್ ಜಾಂವ್ಕ್ ಪುರೊ!"

ಗುರು ಪರತ್ ವಿಚಾರಿ, "ಪುಣ್, ಬೊಬೊ ಕಿತ್ಯಾಕ್ ಘಾಲ್ಚ್ಯೊ, ತೊ ಲಾಗಿಂಚ್ ಆಸ್ಲ್ಯಾರಿ?" 

ಶಿಸ್ ಚಾಪ್ಪೆ. ಗುರುನ್ ಚ್ ಜಾಪ್ ದಿಲಿ, 

"ರಾಗಾರ್ ಜಾತಾನಾ ಮನಿಸ್ ಕಿತ್ಲೊ ಲಾಗ್ಗಿಂ ಆಸ್ಲ್ಯಾರಿ ಕಾಳ್ಜಾಂ ಪಯ್ಸ್ ಆಸ್ತಾತ್. 

ತೆಂ ಡಿಸ್ಟೆನ್ಸ್ ಕಾತ್ರುನ್ ಅನ್ಯೆಕ್ಲ್ಯಾಕ್  ಆಯ್ಕಾಜೆ ತರ್ ಬೋಬ್ ಘಾಲಿಜೆ ಚ್!" 

***

ಖಬರ್

"ಮಂಗ್ಳುರಾಂತ್ ಕಾಂಯ್ ಸಮಸ್ಸೆ ಆಸಾತ್ ಗಿ?"

"ಪತ್ರಾಂನಿ ಕಾಂಯ್ ಯೆವ್ನಾ...."

"ಹೊ! ತರ್ ಮಂಗ್ಳುರ್ ಸುದ್ರಾಲಾಂ!"

"ತೆಂಯಿ ಪತ್ರಾಂನಿ ಯೆಂವ್ಕ್ ನಾ!!"

***

ವಾಯ್ನ್

ವಿಗಾರಾಕ್ ಕಾರ್ಯಾಕ್ ಆಪಯ್ಲೊ. 

ಸಗ್ಳೆಂ ಸಂಪ್ತಚ್ ಮಾನೆಸ್ತಾನ್ ತಾಕಾ ಭಿತರ್ ಆಪವ್ನ್ ವ್ಹೆಲೆಂ. 

ಇಲ್ಲ್ಯಾ ವೆಳಾನ್ ಭಾಯ್ರ್ ಆಯಿಲ್ಲ್ಯಾ ಮಾನೆಸ್ತಾನ್ ಮ್ಹಳೆಂ,

"ವಿಗಾರ್ ಭಿತರ್ ವಾಯ್ನ್ ’ಉದಕ್’ ಕರ್ನ್ ಆಸಾ!"

***

ಭ್ಯೆಂ

ಟಯ್ಟ್ ಆನಿ ಮೊಟ್ವೆಂ ನೆಸ್ ಲ್ಲ್ಯಾ ಚೆಡ್ವಾಕ್ ವಿಗಾರಾನ್ ಚೆತಾವ್ಣಿ ದಿಲಿ.

ಚೆಡ್ವಾಚೆ ಆವಯ್ನ್ ಫೋನ್ ಲಾಯ್ಲೆಂ:

"ತುಮಿ ಭುರ್ಗ್ಯಾಂಕ್ ಮಸ್ತ್ ’ಡಿಸ್ಕರೇಜ್’ ಕರ್ತಾತ್ ಫಾದರ್..

ಉಡಾಸ್ ಅಸೊಂ, ಆಮಿ ಫಿರ್ಗಜೆಚಿಂ ಬೆನೆಫೆಕ್ಟರಾಂ....."

ವಿಗಾರಾನ್ ’ಆಮೆನ್’ ಮ್ಹಳೆಂ.