ಕಾಳ್ಜಾ ಗಾಜ಼್

ಆದಾಂವ್ ಚೊ ಸ್ವಗತ್

ಬೈಬಲಾಂತ್ ಪಯ್ಲಿ ಲವ್ ಸ್ಟೋರಿ ಆದಾಂವ್ ಯೆವೆ ಮಧ್ಲಿ! ದೆವಾನ್ ಯೆವೆಕ್ ದಿಲ್ಲೆಂಚ್ ಆದಾಂವ್ ಕವಿ ಜಾಲೊ ಆನಿ ವಾಳ್ಳೆಂ ಮೊಗಾ ಗೀತ್.. “ತಿ ಮ್ಹಜಿ ಹಾಡಾಂಚೆಂ ಹಾಡ್, ಮಾಸಾಚೆಂ ಮಾಸ್”  ತ್ಯಾ ಉಪ್ರಾಂತ್ ಜೆದ್ನಾಂ ಯೆವ್ ಆಡ್ವಾರ್ ಲ್ಲ್ಯಾ ರುಕಾಚೆಂ ಫಳ್ ಘೆವ್ನ್ ಆಯ್ಲಿ ಆದಾಂವ್ಕ್ ದೆವಾಚಾ ಉತ್ರಾಂಚೊ ಜೋಪ್ ಯಿ ನಾತ್ ಲ್ಲೊ ಗಾಯ್? ವ ಜಾಣಾಸ್ ಲ್ಲೊ ತರಿ ಕಿತ್ಯಾನ್ ತಾಕಾ ತೆಂ ಫಳ್ ಖಾಯ್ಶೆಂ ಕೆಲೆಂ?! ಜಾಪ್ ಅಜೂನ್ ಕೊಣಾಯ್ಕಿ ಮೆಳ್ಳ್ಯಾಗಾಯ್?!

ಯೆದೊಳ್ ಚ್ ತಿಣೆಂ ಫಳ್ ಖೆಲ್ಲೆಂ

ಹಾತಾಂತ್ ಆನೀ ಚಾರ್ ಆಸ್ಲಿಂ!

ತರೀ ತಿ ಹಾಸ್ತಾಲಿ; ಸದಾಂಚೆ ಪರಿಂ ಸುಡ್ಸುಡಿತ್!!

ಹಾಂವ್ ಫಟ್ವಲೊಂ ವ

’ಖೆಲ್ಯಾರ್ ಮೊರ್ತೆಲ್ಯಾತ್’ ಮ್ಹಳ್ಳ್ಯಾ ದೆವಾನ್ ಫಟ್ ಮಾರ್ ಲ್ಲಿ?!

ಅಬ್ಳೆ! ಮ್ಹಜಿ ಅರ್ಧಾಂಗಿಣ್

ಖಾವ್ನ್ ಯಿ ಜಿತಿಚ್ ಅಸ್ಲಿ; ಮೊರೊಂಕ್ ನಾಸ್ಲಿ!!

ಖಂಡಿತ್ ತರ್ ಫಳಾಂತ್ ಮಾರೆಕಾರ್ ವೀಕ್ ನಾ,

ಕಿಣಾನ್ ಜೀವ್ ಕಾಡ್ಚೆ ತಸಲೆಂ;

ಬೊವ್ ಶಾ, ವ್ಹಳ್ವಳಾವ್ನ್ ಜೀವ್ ಚಿಂವ್ತಾ ಆಸ್ತೆಲೆಂ.

ಕಶೆಂ ಸೊಸುಂ ’ತಿಚೆ’ ವ್ಹಳ್ವಳೆ?

ತಿ ನಾ ಜಾಲಿ ತರ್ ನಿಬ್ಬೊರ್ ದೀಸ್ ಮುಕ್ಲೆ….

ಆಮಿ ಜಿಯೆಲ್ಯಾರ್ ಯಿ ಸಂಗಿಂ

ಮೆಲ್ಯಾರ್ ಯಿ ಸಂಗಿಂ

ಎದ್ದೆಂ ಫಳ್ ದಾಕವ್ನ್

ದೆವಾನ್ ಭಾಂದ್ಲ್ಯಾಂತ್ ಆಮ್ಚ್ಯಾ ಕಾನಾ ವಾಂಯ್ಗಿಂ!?

ಹಾಂವೆಂ  ಫಳಾಕ್ ಮಾರ್ಲೊ ಘಾಸ್…….