ಖುರ್ಸಾಯಿಲ್ಲೊ ಮೋಗ್ ಮ್ಹಜೊ
ಬಾವ್ಟ್ಯಾ ಪರಿಂ ಮೋಗ್ ಮ್ಹಜೊ
ಸಂಸಾರ್ ಆನಿ ಮೊಳ್ಭಾಮಧೆಂ ಖುರ್ಸಾರ್ ಜೊಡ್ಲಲೊ;
ತಾಚೆ ಜೊಡಿ ದೊಳೆ ಸೊಧ್ತಾಲೆ... ಸೊಧ್ತಾಲೆ
ಕೊಣಾಕ್?
ಕೋಣ್ ಜಾಣಾ!
ಕೋಣ್ ಎಕ್ಲ್ಯಾನ್ ತಾಳೊ ಕಾಡ್ಲೊ:
"ಕಿತ್ಯಾ ಖಾತಿರ್ ಹೊ ನಾಟಕ್?"
(ಕಾಂಯ್ ಎಲಿಸಾಂವ್ ಯೆಂವ್ಚಾರ್ ಆಸ್ಲೆಂ!)
ಎಕ್ಲೆನ್ ತಾಳೊ ಉಡಯ್ಲೊ:
"ಕೊಣಾಖಾತಿರ್ ಹೆಂ ಪ್ರದರ್ಶನ್?"
(ಫುಂಕ್ಯಾಚೆಂ ಮನೋರಂಜನ್!)
"ಭೊವ್ ಶಾ ಸಂಸಾರ್ ಚ್ ಮೊಲಾಂವ್ಕ್
ಲಾಗ್ಲಾ ಹೊ ಪಿಸೊ!"
(ಸಂಸಾರಾಚೆಂ ಮೋಲ್ ಕಿತ್ಲೆಂ?)
ಧವ್ಯಾ ಖಾಡಾಚೊ ಕ್ಶೀಣ್ ತಾಳ್ಯಾನ್ ಪಿಂರ್ಗಾಲೊ
"ಅಳೆ, ಆಯ್ಕಾ! ತಾಚೆ ವೊಂಟ್ ಉಲಯ್ತಾತ್!!"
ಖುರ್ಸಾ ವ್ಹಯ್ಲೊ ಮೋಗ್ ಮ್ಹಜೊ ಉಲಯ್ಲೊ:
"ಮ್ಹಾಕಾ ತಾನ್ ಲಾಗ್ಲ್ಯಾ...
ಯೇ ಮನ್ಶಾ ಕುಳಾ
ತುಜೆ ವಾಂವ್ತೆ ಘಾಯ್ ಮ್ಹಜ್ಯಾ ವೊಂಟಾಂಕ್ ಲಕಯ್
ಪೆಕೊವ್ಣೆ ತುಜಿ ಜಾತೆಲಿ"
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ