ಸುಬ್ಬು ಹೊಲೆಯಾರ್ ಹಾಚ್ಯೊ ದೋನ್ ಕವಿತಾ:
ಹೊ ಮ್ಹಾತಾರೊ ಮ್ಹಾಕಾ ಪಸಂದ್,
1.
ದೆವಾಕ್ ಪೆÇಸ್ತೆಲ್ಯಾಂಲಾಗಿಂ
ಸರ್ಕಾರಾಕ್ ಏಕ್
ಅರ್ಜಿ ಘಾಲ್ಯಾ,
ಹೊ ದೇಸ್ ಇಲ್ಲೊ ವ್ಹಡ್ ಕರಿಜೆ ಮ್ಹಣ್.
ಲೋಕ್ ಕಿತ್ಯಾ ಆಸೊ
ಮ್ಹಜೆ ವಯ್ರ್‍ಚ್ ಚಲ್ತಾ,
ತಿತ್ಲೊಯ್ ಲ್ಹಾನ್ ಆಸಾ ಹೊ ದೇಸ್?
ರಾವ್ಲ್ಯಾರೀ ಲೊಟ್ತಾತ್ ಬಸ್ಲ್ಯಾರೀ ಪಯ್ಸ್ ಸರ್ ಮ್ಹಣ್ತಾತ್,
ಮ್ಹಜ್ಯಾ ವ್ಹಯ್ಲೆ ಘಾಯ್ ಪಳೆವ್ನ್
ಥೊಡ್ಯಾಂಕ್ ಪುಣೀ ಮ್ಹಾಕಾ ಆಪಡ್ನಾತ್ಲ್ಯಾರ್‍ಚ್
ಪರಮಾನಂದ್;
ದೆಕುನ್‍ಚ್ ಸಾಂಗ್ಲೆಂ, ಹೊ ದೇಸ್ ಇಲ್ಲೊ ವ್ಹಡ್ ಕರಾ.
ಕಿತ್ಲೊ ಇಸ್ಕಳ್.
ವಾರೆಂ ಸಯ್ತ್ ಪಾಶಾರ್ ಜಾಂವ್ಕ್, ಉಲಂವ್ಕ್,
ದಾಂತಾಕ್ ಶಿರ್ಕಾಲ್ಲೆಂ ಕುಟ್ಟುಂಕ್ ಸಯ್ತ್
ಜಾಗೊ ನಾ ತಿತ್ಲೊ ದೇಸ್
ವ್ಹಡ್ ಮನಿಸ್ ಮ್ಹಣ್ತೆಲ್ಯಾಂಚ್ಯಾ ಕಾನಾಂಕ್,
ಲ್ಹಾಲ್ಹಾನ್ ಬುದ್ದ ಭರುನ್ ಗೆಲ್ಲೊ ದೇಸ್
ಆಯ್ಕಾನಾ ಕಿತ್ಯಾ?
ಮಾಗ್ಣೆಂ ಭೆಟಯ್ಲಾಂ
ಮ್ಹಜ್ಯಾಂಖಾತಿರ್, ಉಣ್ಯಾರ್ ಉಣೆಂ
ತುಮ್ಚಿಂ ಘರಾಂ ಸೊಡ್ನ್ ದಿಯಾ ಮ್ಹಣ್.
ಪಳೆಯಾ, ಮ್ಹಜ್ಯಾ ಘರಾಕ್, ಅಂಗ್ಡಿಕ್ ವ್ಹಚುನ್ ಯೆಂವ್ಕ್
ಏಕ್ ಪಾಂಯ್ ವಾಟ್ ನಾ ಮ್ಹಳ್ಯಾರ್
ದೆಕುನ್‍ಚ್ ಸಾಂಗ್ಲೆಂ
ಖೊಂಡುನ್ ಜಾಡುನ್ ಇಲ್ಲೊ ವ್ಹಡ್ ಕರಾ
ಹೊ ದೇಸ್ ಮ್ಹಜೆ ತಸ್ಲ್ಯಾ ಲ್ಹಾನಾಂಖಾತಿರ್
ದಿಂಬ್ಯೆರ್ ಪಡುನ್ ಮಾಗ್ಲಾಂ,
ದೆವಾಕ್ ಪೆÇಸ್ತೆಲ್ಯಾಂ ಕಡೆ
ಮ್ಹಜ್ಯಾ ವೊಣಿಕ್
ಜಾಗೊ ವಿಚಾರಿನಾತ್ಲೊ ಏಕ್ ದೇವ್ ದಿಯಾ.
ಅರ್ಜಿ ಘಾಲ್ಯಾ,
ದೆವಾಚೆಂ ಕಾಮ್ ಕರ್ಚ್ಯಾಸರ್ಕಾರಾಕ್
ಮ್ಹಜೆ ತಸ್ಲ್ಯಾ ಲ್ಹಾನ್ ಮನ್ಶಾಕೀ, ಲ್ಹಾನ್ ಸಮಸ್ಸೊ ಆಸಾ,
ಪಯ್ಲೆಂ, ಹೊ ದೇಸ್ ಇಲ್ಲೊ ವ್ಹಡ್ ಕರಾ
ನಾ ತರ್,
ಹಾಂವ್ ಮೆಲ್ಯಾ ಉಪ್ರಾಂತ್ ಪುಣಿ
ಇಲ್ಲೊಸೊ ಜಾಗೊ ದಿಯಾ ಮ್ಹಣ್
ದೆವಾಸಾರ್ಕ್ಯಾ ಸರ್ಕಾರಾಕ್ ಅರ್ಜಿ ಘಾಲ್ಯಾ.
*****************
2.
ಗಾಂಧೀಜಿಚ್ಯಾ ಪಾಯಾಂನಿ
ಹೊ ಮ್ಹಾತಾರೊ ಮ್ಹಾಕಾ ಪಸಂದ್,
ಫುಟ್‍ಪಾತಿ ಲೋಕ್ ತಾಕಾ ಪಸಂದ್
ದೆಕುನ್ ತೊ ಲೋಕ್ ಅಜೂನ್ ಥಂಯ್ಚ್ ಆಸಾ
ಹೊ ಚಲ್‍ಲ್ಲೊ ಮಿಟಾ ದರ್ಯಾಚ್ಯಾ
ಫುಟ್‍ಪಾತಿಚ್ಯಾ ಲಾರಾಂ ವ್ಹಯ್ಲ್ಯಾನ್
ಬಾಲ್ಕನಿರ್ ಬಸುನ್ ಸಿನೆಮಾ ಚೊಂವ್ಚೆ
ತುಕ್ಲಾಯ್ತಾತ್, ಸಕ್ಲಾ ಬಸ್‍ಲ್ಲ್ಯಾಂಕ್
ಗಾಂಧಿ ಕ್ಲಾಸ್ ಲೋಕ್ ಮ್ಹಣ್
ಸಿನೆಮಾ ಸಂಪ್ತಚ್
ವಯ್ರ್ ಬಸ್‍ಲ್ಲ್ಯಾಂಚೆ ಪಾಂಯ್
ಸಕ್ಲಾ ಬಸ್‍ಲ್ಲ್ಯಾಂಚೆ ಪಾಂಯ್ ಚಲುಂಕ್ ಲಾಗ್ತಾತ್
ಎಕಾಚ್ ಫುಟ್‍ಪಾತಿರ್
ಗಾಂಧೀಜಿಚ್ಯಾ ಪಾಂಯಾಂನಿ ಸಕ್ಡಾಂಚಿಂ ಪಾವ್ಲಾಂ
*********
ಕವಿ: ಸುಬ್ಬು ಹೊಲೆಯಾರ್
ಕೃತಿ: ಎಲ್ಲರ ಬೆರಳಲ್ಲೂ ಅಂಟಿಕೊಂಡಿರುವ ದುಃಖವೇ.. (೨೦೧೦ ಮುದ್ದಣ್ಣ ಕಾವ್ಯ ಪ್ರಶಸ್ತಿ ವಿಜೇತ್ ಕೃತಿ)
ಸಂಸ್ಕೃತಿ ಪ್ರಕಾಶನ, ಬಳ್ಳಾರಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ