ಧಾಂವ್ಚ್ಯಾ ರಯ್ಲಾರ್
ಧಾಂವ್ಚ್ಯಾ ರಯ್ಲಾರ್ ಹಾಂವ್ ಚಡ್ಲಾಂ.
ತೆ ಗಾದೆ, ತೆ ಗುಡೆ, ತೆ ಮನಿಸ್, ತೆ ಪೆಟೆ
ಬಿಂದಾಸ್, ಸ್ವಚ್ಛಂದ್, ಉಗ್ತೆ, ಮುಕ್ತ್ ಜಿಯೆಂವ್ಚೆ...
ಸಕ್ಕಡ್ ಹ್ಯಾ ಕೆಮರಾಂತ್ ಫಿಚಾರ್
ಪುರ್ಸೊತೆರ್ ಪಾಂಯಾರ್ ಪಾಂಯ್ ಘಾಲ್ನ್ ಫಾಲ್ಯಾಂ ಪಳೆತಾಂ.
ತ್ಯೊ ಆವಯೊ, ತಿಂ ಭುರ್ಗಿಂ, ಫೆಸ್ತಾ ಸಾಂತ್, ದಿವ್ಳಾ ಪುಜಾ
ಹ್ಹಿಹ್ಹಿ ಚೆಡ್ವಾಂ, ಪೊಕ್ರಿ ಚೆಡೆ, ಚಾಯ್‍ವಾಲೆ, ವಡಾಪಾಂವ್
ಸಗ್ಳೆಂಚ್ ಕೆಮರಾ ಪೊಟಾಂತ್
ಪುರ್ಸೊತೆರ್ ವೆಗಿಂಚ್ ತುಮ್ಚೆಖಾತಿರ್ ಅಪ್‍ಲೋಡ್ ಕರ್ತಾಂ
ಬಗ್ಲೆಚ್ಯಾ ಪಯ್ಣಾರ್ಯಾಕಡೆ ವಿಚಾರ್ನ್
ದಿಸಾಳೆಂ ಸೊಡಯ್ಲ್ಯಾರ್
ಪಬ್ಲಿಕ್ ಟೊಯ್ಲೆಟಾಚೆಂ ಮೊಡ್ಕುರೆಂ ದಾರ್
ಉಗ್ತೆಂ ಕರುಂಕ್‍ಚ್ ರಾಕ್ಚ್ಯಾ ಘಾಣಿಪರಿಂ
ಖಬ್ರೊ –
ಗಾದ್ಯಾಂತ್ ಉಮ್ಕಾಳ್ಚೊ ರೈತ್
ಬುಲ್ಡೊಜರಾ ಘಾಸಾಕ್ ಗಾದೆ
ಸುತಾಂ ನ್ಹೆಸಾನಾತ್ಲೆ ಮನಿಸ್
ವೇನಾರ್ ಬಂಧಿ ಪೆಟೆ
ಬಿಕ್ಕುಂಚಿಂ ಹ್ಹಿಹ್ಹಿ ಚೆಡ್ವಾಂ
ಖೊಡ್ಯಾಂನಿ ಚೆಡೆ...
ಹೆಂ ಸಗ್ಳೆಂ ಮ್ಹಜ್ಯಾ ಕೆಮರಾಚೆ
ಝಳ್ಕೆಕ್ ಯೆನಾತ್ಲೆಂ!
ಭೊಗ್ಸಿಯಾ,
ತೆಂ ಸಗ್ಳೆಂ ಫಿಚಾರ್ ಕರುನ್
ಪಯ್ಣಾಚೆಂ ಥ್ರಿಲ್ ಹೊಗ್ಡಾಂವ್?
ತಿತ್ಲ್ಯಾಕ್‍ಯಿ ಹಾಂವ್ ಎದೊಳ್‍ಚ್
ಧಾಂವ್ಚ್ಯಾ ರೈಲಾರ್ ಚಡುನ್ ಜಾಲಾಂ...
good one
ಪ್ರತ್ಯುತ್ತರಅಳಿಸಿ