ತಿಂ ಮ್ಹಾತಾರಿ ಮ್ಹಣ್ ಕುಶಿಕ್ ಲೊಟ್ಚೆ ಪಯ್ಲೆಂ - ಲೇಖನ್

ತಿಂ ಮ್ಹಾತಾರಿ ಮ್ಹಣ್ ಕುಶಿಕ್ ಲೊಟ್ಚೆ ಪಯ್ಲೆಂ

ಹ್ಯಾ ಸಂಸಾರಾಂತ್ ಜಲ್ಮೊನ್ ಮೊರ್ತಾ ಪರ್ಯಾಂತ್ ಹರ್ಯೆಕ್ಲ್ಯಾನ್ ಜಿವಿತಾಚೆ ವಿವಿಧ್ ಹಂತ್ ಮ್ಹಣ್ಜೆ, ಬಾಳ್ಪಣ್, ತರ್ನಾಟ್ಪಣ್, ಮಧ್ಯಮ್ ಪ್ರಾಯ್ ಆನಿ ಉತಾರ್ ಪ್ರಾಯ್ ಆಪ್ಣಾಂವ್ಕ್‌ಚ್ ಆಸಾ, ಆವ್ಕ್ ಆಸ್ಲ್ಯಾರ್! ಹಾಂತು ಬಾಳ್ಪಣಾರ್ ಆಮ್ಕಾಂ ಖಂಚ್ಯಾಚಿಚ್ ಪರ್ವಾ ಆಸಾನಾ. ಯುವಪ್ರಾಯೆರ್ ಸಂಸಾರ್ ದಿಸಾನಾ.ಮಧ್ಯಮ್ ಪ್ರಾಯೆರ್ ಆಪ್ಣಾವಿಶಿಂ ಕೋಣ್ ಕಿತೆಂ ಚಿಂತ್ತಾ ಮ್ಹಳ್ಳೆಂ ಪಡೊನ್ ವ್ಹಚುಂಕ್ ನಾ. ಪೂಣ್ ಉತಾರ್ ಪ್ರಾಯೆಕ್ ಪಾವ್ತಾನಾ ಆದ್ಲ್ಯಾ ಸಕ್ಡಾಚೊ ಉಡಾಸ್ ಧೊಸ್ತಾ. ಸರ್ವ್ ಆಸೊನ್‌ಯ್ ಎಕಾ ರಿತಿಚೆಂ ಅವ್ಯಕ್ತ್ ಭ್ಯೆಂ, ಅನಾಥ್ ಭೊಗಾಪ್, ಅತಂತ್ರ್ ಪಣಾಚೆ ಕಳ್ವಳೆ ಚಡ್ ಜಾತಾತ್. ಫುಡ್ಲೆ ದೀಸ್ ಗಯ್ರೆ ಗಯ್ರೆ ದಿಸೊನ್ ಜಿಣಿಯೆಂತ್ ಏಕ್ ಅಸ್ಪಶ್ಟ್ ಚಿತ್ರಣ್ ಉದೆತಾ. ತಾಂತುಯಿ ಪ್ರಾಯೆ ಸಾಂಗಾತಾ ಪಿಡಾಯ್ ಆಯ್ಲಿ ತರ್ ಮಾಗಿರ್ ಎಕ್‌ಚ್ ಮಾಗ್ಣೆಂ ಮಾಲ್ಗಡ್ಯಾಂಚೆಂ, “ಮ್ಹಾಕಾ ವ್ಹರ್ ಸಾಯ್ಭಾ!”

ಉತಾರ್ ಪ್ರಾಯ್ ಮನ್ಶಾಕ್ ಸಂಸಾರಾಂತ್ ಆಪ್ಲ್ಯಾ ತಾತ್ಕಾಲಿಕ್ ಪಣಾಚೆಂ ಕೊಡು ಸತ್ ಉಗ್ಡಾಪೆಂ ಕರ್ತಾ ಮ್ಹಳ್ಳ್ಯಾ ವಿಶ್ಯಾಂತ್ ದುಬಾವ್ ನಾ. ಪೂಣ್ ಉತರ್ ಪ್ರಾಯ್ ಫಕತ್ ಪಿಡೆ-ಶಿಡೆಚಿ, ಕಷ್ಟಾ-ವ್ಹಳ್ವಳ್ಯಾಂಚಿ ಅವ್ದಿ ಮ್ಹಣ್ ಮಾಂದುನ್ ಘೆಂವ್ಚೆ ತಿತ್ಲೆಂ ಸಕಾರಾತ್ಮಕ್ ಚಿಂತಪ್ ನ್ಹಯ್ ತರೀ ಆಜ್ ಕಾಲ್ಚ್ಯಾ ಮಾಲ್ಗಡ್ಯಾಂಚ್ಯಾ ವ ಪ್ರಾಯೆಸ್ತಾಂಚ್ಯಾ ಖಂತಿಕ್ ಖಂಡಿತ್ ಕಾರಣಾಂ ಆಸಾತ್. ತಾಂಚ್ಯಾ ದೊಳ್ಯಾಂನಿ ಮಾಂಡ್ಚ್ಯಾ ಪಿಂತ್ರಾಂ ಪಾಟ್ಲ್ಯಾನ್ ಅಸಹಾಯಕ್ಪಣಾಚಿ ಸಾವ್ಳಿ ಆಸಾ. ಕಿತೆಂಚ್ ತಾಣಿ ಚಿಂತ್‌ಲ್ಲೆಪರಿಂ ಜಾಯ್ನಾ. ಸೆಜಾರ್ಚ್ಯಾ ಪ್ರಾಯೆಸ್ತಾಂಚಿ ಗತ್ ಕಿತೆಂ ಜಾಲ್ಯಾ ತೆಂ ತಿಂಯ್ ಜಾಣಾಂತ್. ಆಪ್ಲಿಂ ಭುರ್ಗಿಂ ಬರಿಂ ಮ್ಹಣ್ ಜಬ್ಬೊರ್ ಭರ್ವಸೊ ಆಸಾ ತರೀ ‘ಮನಿಸ್ ಜೊಡುಂಕ್ ಸಕ್ತಾ ತರ್ ಮಾತ್ರ್ ಗರ್ಜೆಚೊ’ ಮ್ಹಳ್ಳ್ಯಾ ಆಧುನಿಕ್ ತತ್ವಾಂಚೆರ್ ತಾಂಕಾಂ ಥೊಡೊ ದುಬಾವ್ ಆಸಾ.

 ಜೊಡಿಕ್ ಪಾವ್‌ಲ್ಲಿಂ ಆಪ್ಣಾಚಿಂ ಭುರ್ಗಿಂಯ್ ಅಸಲ್ಯಾ ತತ್ವಾಂಕ್ ಬಲಿ ಜಾಲ್ಯಾಂತ್ ಗಾಯ್ ಮ್ಹಣ್ ದುಬಾವ್ತಾತ್! ಬದ್ಲಲ್ಲೆ ಜಿಣ್ಯೆ ರಿತಿಕ್ ಲಾಗುನ್ ಆಜ್ ಮಾಲ್ಗಡ್ಯಾಂಚಿ ಜತನ್ ಸಲೀಸಾಯೆಚಿ ನ್ಹಯ್ ಮ್ಹಣ್ ಸಕ್ಡಾಂ ಮಾನುನ್ ಘೆತಾತ್. ಸಲೀಸ್ ನ್ಹಯ್ ದೆಕುನ್ ಆಮ್ಚ್ಯಾ ಮಾಲ್ಗಡ್ಯಾಂ ಉದೆಶಿಂ ನಿರ್ಲಕ್ಶೆಚಿಂ ಚಿಂತ್ನಾಂ ಬಿಲ್ಕುಲ್ ಸೊಭಾನಾಂತ್. ಭಾಗೆವಂತ್ ಪಾಪಾ ಜುವಾಂವ್ ಪಾವ್ಲ್ ಮ್ಹಣ್ತಾ, “ಎಕಾ ಸಮಾಜೆಚ್ಯಾ ನಾಗರಿಕ್ಪಣಾಚೆಂ ಮಟ್ಟ್ ತಿ ಸಮಾಜ್ ಆಪ್ಲ್ಯಾ ಅಸ್ಕತ್ ಸಾಂಧ್ಯಾ ಥಂಯ್ ಕಶಿ ಚಲ್ತಾ ತಾಚೆರ್ ಹೊಂದ್ವೊನ್ ಆಸಾ.” ಹಾಚೊ ಅರ್ಥ್ ಹೊ: ಕೊಣೀ ಮನಿಸ್ ಆಪ್ಣಾಕ್ ಪ್ರಬುದ್ಧ್, ಸುಶಿಕ್ಶಿತ್ ಮಣ್ತಾ ತರ್ ತಾಚೆಂ ತೆಂ ಸುಶಿಕ್ಶಿತ್ ಪಣ್ ತಾಣೆಂ ಆಪ್ಲ್ಯಾ ಅಸ್ಕತ್ ಸಾಂಧ್ಯಾಂ ಉದೆಶಿಂ ದಾಕಂವ್ಕ್ ಆಸಾ ಶಿವಾಯ್ ತಾಂಚ್ಯಾ ಅಬಲ್‌ಪಣಾಚೆರ್ ಸವಾರಿ ಚಲಂವ್ಚಿ ನ್ಹಯ್. ತಾಂಕಾಂ ಆಪ್ಲ್ಯಾ ಮಾನವೀಯ್ ಸೆವೆದ್ವಾರಿಂ ಆನಿ ಗರ್ಜೆಚಿ ಭದ್ರತಿ ಲಾಭಂವ್ಚೆದ್ವಾರಿಂ ಸೆವಾ ಕರುಂಕ್ ಆಸಾ. 

        
ಆಜ್ ಭಲಾಯ್ಕೆ ಶೆತ್ ಪ್ರಗತ್ಯೆಚ್ಯಾ ಊಂಚಾಯೆತೆವ್ಶಿಂ ನಿರಂತರ್ ಧಾಂವತ್ ಆಸಾ. ಭಲಾಯ್ಕೆ ಸವ್ಲತ್ಕಾಯೊ ಚಡ್ಚೆ ಸಂಗಿಂ ಲೊಕಾನ್ ಆಪ್ಲಿ ಭಲಾಯ್ಕೆಚಿ ಜತನ್ ಕರ್ಚೆಂಯ್ ಸಾಮಾನ್ಯ್ ಜಾಲ್ಯಾನ್ ಆರ್ಥಿಕ್ ಥರಾನ್ ಅಭಿವ್ರದ್ಧಿ ಜೊಡ್‌ಲ್ಲ್ಯಾ ಆನಿ ಜೊಡುಕ್ ಆಸ್ ಲ್ಲ್ಯಾ ಗಾಂವಾಂನಿ ಲೊಕಾಚೆಂ ಜೆರಾಲ್ ಆವ್ಕ್ ಚಡುನ್ ಆಸಾ. ಅಶೆಂ ಜಾಲ್ಲ್ಯಾನ್ ಜಾಯ್ತ್ಯಾ ಸಮುದಾಯಾಂನಿ ಆತಾ ಮಾಲ್ಗಡ್ಯಾಂಚೊ ಸಂಖೊ ಪಯ್ಲೆಂಚೆ ಪ್ರಾಸ್ ಚಡ್ಲಾ. ಉತ್ರೊನ್ ವೆಚೆ ಪ್ರಾಯೆ ಸಾಂಗಾತಾಚ್ ಉತಾರ್ ಪ್ರಾಯೆಕ್ ಲಗ್ತಿ ಭಲಾಯ್ಕೆಚೆ ಸಮಸ್ಯೆಯ್ ಚಡ್ಲ್ಯಾತ್. ಜಾಯ್ತ್ಯಾ ಮಾಲ್ಗಡ್ಯಾಂಕ್ ಚತ್ರಾಯೆಚಿ ಜತನ್ ಜಾಯ್ ಪಡ್ತಾ. ಜೆರಾಲ್ ಥರಾನ್ ಮಾಲ್ಗಡ್ಯಾಂಚಿ ಜತನ್ ಆರ್ಥಿಕ್ ಥರಾನ್ ಮುಕಾರ್ ಆಸ್‌ಲ್ಲ್ಯಾ ತಶೆಂಚ್ ಪಾಟಿಂ ಆಸ್ ಲ್ಲ್ಯಾ ದೊನೀ ವರ್ಗಾಂಕ್ ಸಮಸ್ಯಾಚಿಚ್ ಜಾಲ್ಯಾ.  

  
ಆರ್ಥಿಕ್ ಅಭಿವ್ರದ್ಧೆ ಸಾಂಗಾತಾಚ್ ಕುಟ್ಮಾಂಚಿ ಜೆರಾಲ್ ಪರಿಗತ್ ಬದಲ್ಲ್ಯಾ. ಆರ್ಥಿಕ್ ಅಭಿವ್ರದ್ಧಿ ಕುಟ್ಮಾಂಕ್ ಲ್ಹಾನ್ ಲ್ಹಾನ್ ಕರ್ತಾ. ದಾಕ್ಲ್ಯಾಕ್, ಆದಿಂ ಆರ್ಥಿಕ್ ಪರಿಗತ್ ಆತಾಂಚೆಪರಿಂ ನಾತ್‌ಲ್ಲ್ಯಾ ಕಾಳಾರ್ ಆಮ್ಚ್ಯಾ ಗಾಂವಾಂತ್ ಅವಿಭಾಜಿತ್ ಕುಟ್ಮಾ ರೀತ್ ಆಸ್‌ಲ್ಲಿ. ಆಜೊ-ಆಜಿ, ಬಾಪ್ಪು-ಮಾವ್ಶಿ ಧರ್ ಲ್ಲೆಂ ಸರ್ವಾಂ ಎಕಾಚ್ ಘರಾಂತ್ ಜಿಯೆತಾಲಿಂ. ತವಳ್ ಪ್ರಾಯೆಸ್ತಾಂಚಿ ಜತನ್ ಘೆಂವ್ಕ್ ಕೋಣ್ ನಾ ಕೋಣ್ ಆಸ್ತಾಲಿಂ. ಆತಾಂ ಅವಿಭಾಜಿತ್ ಕುಟ್ಮಾ ರೀತ್ ನಪಂಯ್ಚ್ ಜಾಲ್ಯಾ. ಘೊವ್-ಬಾಯ್ಲ್ ಆನಿ ಭುರ್ಗಿಂ ಆಸ್ಚಿ ಕೇಂದ್ರಿತ್ ಕುಟ್ಮಾಂ ರೀತ್ ಚಾಲ್ತೆರ್ ಆಸಾ. ಅಸಲ್ಲ್ಯಾ ಕುಟ್ಮಾಂತ್ಲಿಂ ದಾದ್ಲೊ ಆನಿ ಸ್ತ್ರೀ ದೊಗಾಂಯ್ ಭಾಯ್ರ್ ಕಾಮಾಕ್ ವೆತಾನಾ ಘರಾ ಆಸ್ಚ್ಯಾ ಮಾಲ್ಗಡ್ಯಾಂಚಿ ಜತನ್ ಭೊರ್ಯಾ ವ್ಹಯ್ಲಿ ಭೊರ್ಕುಟಿ ಜಾಂವ್ಚಿ ಸಾಧ್ಯತಾ ಆಸಾ. ಆರ್ಥಿಕ್ ಥರಾನ್ ಪಾಟಿ ಆಸ್ ಲ್ಲ್ಯಾಂಚಿ ಗತ್‌ಯಿ ಹಿಚ್. ಭುರ್ಗ್ಯಾಂಚಾ ಶಿಕ್ಪಾಚೊ ಖರ್ಚ್, ಕುಟ್ಮಾಚೊ ಪೋಸ್ ಮ್ಹಣ್ತಾನ ದೊಗಾಂನಿ ಕಾಮ್ ಕೆಲ್ಲ್ಯಾರಿ ಉಣೆಂಚ್. ಅಸಲ್ಯಾ ಸಂಧಿಗ್ದ್ ಪರಿಸ್ಥಿತೆಂತ್ ಶಿರ್ಕಾಲ್ಲ್ಯಾಂಕ್ ಆಪ್ಲಿ ಆನಿ ಭುರ್ಗ್ಯಾಂಚಿಚ್ ಜತನ್ ಘೆಂವ್ಕ್ ವೇಳ್ ಮೆಳಾನಾತ್ಲಿ ಸ್ಥಿತಿ ಉದೆಂವ್ಚಿಯ್ ಆಸ್ತಾ. ತಸೆಂ ಮ್ಹಣ್ತಾನಾ ಪಿಡೆಸ್ತ್ ಮಾಲ್ಗಡಿಂ ಆಪ್ಲ್ಯಾಚ್ ಜಣಾಂ ಮಧೆಂ ಅನಾಥ್ ಜಾತಾತ್.

ತಶೆಂ ಮ್ಹಣ್ ಸಕ್ಡಾಂ ಮಾಲ್ಗಡ್ಯಾಂಕ್ ಸಾಂಡುನ್ ಘಾಲ್ತಾತ್ ಮ್ಹಣ್ ನ್ಹಯ್. ಪುಣ್ ಮಾಲ್ಗಡ್ಯಾಂಚಿ ಜತನ್ ಸಲೀಸಾಯೆಚಿ ನ್ಹಯ್ ಮ್ಹಳ್ಳಿ ಗಜಾಲ್ ನೀಜ್. ಥೊಡಿಂ ಮಾಲ್ಗಡಿಂ ಕುಡಿ ಆನಿ ಮತಿಚ್ಯಾ ಬರ್ಯಾ ಭಲಾಯ್ಕೆಂತ್ ಆಸ್ತಾತ್ ತರ್ ತಾಂಕಾ ಹೆರಾ ಸಾಂಗಾತಾ ಸೊಡ್ ದೊಡಿನ್ ಜಿಯೆಂವ್ಕ್ ಜಾತಾ. ಅಸಲ್ಲ್ಯಾಂಚಿ ಜತನ್ ಕಶ್ಚಾಂಚಿ ನ್ಹಯ್. ಪುಣ್ ಜಾಯ್ತಿಂ ಮಾಲ್ಗಡಿಂ ಕುಡಿಂತ್ ತಶೆಂಚ್ ಮತಿಂತ್ ಅಸ್ವಸ್ಥ್ ಆಸ್ತಾತ್. ಥೊಡ್ಯಾಂಕ್  ದಿಸಾಚಿಂ ಚೊವೀಸ್ ವೊರಾಂ, ಹಫ್ತ್ಯಾಂಚೆ ಹಫ್ತೆ, ಮ್ಹಯ್ನ್ಯಾಂಚೆ ಮ್ಹಯ್ನೆ ಜತನ್ ಗರ್ಜ್ ಜಾಲ್ಲ್ಯಾನ್ ಚಾಕ್ರಿ ಕರ್ತೆಲ್ಲ್ಯಾಂಕ್ ಬರೆಂ ಮನ್, ಸೊಸ್ಣಿಕಾಯ್ ಆನಿ ಸಮರ್ಪಣ್ ಗರ್ಜೆಚೆಂ. ಎಕಾ ಆವಯ್ಕ್ ವ ಬಾಪಾಯ್ಕ್  ಭುರ್ಗ್ಯಾಚಿ ಜತನ್ ಘೆಂವ್ಚ್ಯಾ ಪ್ರಾಸ್ ತ್ರಾಸಾಚೆಂ ಮಾಲ್ಗಡ್ಯಾಂಚಿ ಜತನ್! ಕಿತ್ಯಾಕ್ ಗೀ ಮ್ಹಳ್ಳ್ಯಾರ್, ಭುರ್ಗೆಂ ದಿಸಾನ್ದೀಸ್ ವಾಡೊನ್ ಯೆತಾನಾ ಸ್ವತಂತ್ರ್ ಜಾಯಿತ್ ಯೆತಾ. ತಾಚ್ಯೊ ಗರ್ಜೊ ಉಣ್ಯೊ ಜಾತಾತ್. ಪುಣ್ ಮಾಲ್ಗಡಿಂ ತಶಿಂ ನ್ಹಯ್. ದೀಸ್ ವೆತಾಂ ವೆತಾಂ ತಾಂಚ್ಯೊ ಗರ್ಜೊ ವಾಡ್ತಾತ್ ಆನಿ ಭಲಾಯ್ಕಿ ನಿಸ್ರತ್ ವೆತಾ. ಜಾಯ್ತ್ಯಾ ಮಾಲ್ಗಡ್ಯಾಂಕ್ ಮತಿಚಿ ಸುಕ್ತಿ ಧೊಸ್ತಾ. ಆಪ್ಣಾಕ್ ಬರ್ಯಾನ್ ಪಳೆನಾಂತ್ ಮ್ಹಳ್ಳೆ ಥಾವ್ನ್ ಧರ್ನ್ ಆಪ್ಲ್ಯಾ ಮೊಗಾಚ್ಯಾಂಚೆಂ ಮೋರ್ನ್‌ಯಿ ತಾಂಕಾಂ ಅಸ್ಥಿರತೆಕ್ ಲೊಟ್ತಾ ಆನಿ ಕಿತ್ಲಿ ಮೊಗಾಚಿ ಜತನ್ ಮೆಳ್ಳ್ಯಾರಿ ಖೊಡಿ ಕಾಡುಂಕ್ ಧರ್ತಾತ್, ಸುನೆಚ್ಯೊ ಚುಕಿಕ್ ಪಳೆತಾತ್ ಆನಿ ನಾತ್ರಾಮ್ಕ್ ವಾಯ್ಟ್ ಮಾಗ್ತಾತ್. ಹೆಂ ಪಳೆತನಾ ಬರ್ಯ ಮನಾನ್ ಸೆವಾ ಕರ್ಚ್ಯಾಂಕ್ ಯಿ ತಾಂಚೆರ್ ತಾತ್ಸಾರ್ ಉದೆತಾ ಆನಿ ಪರಿಸ್ಥಿತಿ ಭಿಗ್ಡಾತಾ.

ಸಾದ್ಯಾ ಕುಟ್ಮಾಂಚಿ ಗಜಾಲ್ ಅಶಿ ಮ್ಹಣ್ತಾನಾ ಎಕಾ ಕುಟ್ಮಾಂತ್ಲೊ ದಾದ್ಲೊ ವ ಸ್ತ್ರೀ ಪರ್ಗಾಂವಾಂತ್ ಕಾಮಾರ್ ಆಸಾ ತರ್ ಮಾಲ್ಗಡ್ಯಾಂಚಿ ಜತನ್ ತ್ರಾಸಾಚಿಚ್ ಸಯ್. ಆಜ್ ಕಾಲ್ ಆರ್ಥಿಕ್ ಸಮಸ್ಯಾಂಕ್ ಲಾಗುನ್ ಘೊವ್-ಬಾಯ್ಲ್ ದೊಗಾಂಯ್ನಿ ಕಾಮಾಕ್ ವೆಚಿ ಅನಿವಾರ್ಯತಾ ಆಸ್‌ಲ್ಲ್ಯಾನ್ ಖುದ್ದ್ ಪಿಡೆಸ್ತ್ ಮಾಲ್ಗಡ್ಯಾಂಚಿ ಚಾಕ್ರಿ ಕರುಂಕ್ ಜಾಯ್ನಾತ್ಲ್ಯಾರಿ ತಾಂಚೆ ಜತ್ನೆಕ್ ಆಯಾಕ್  ನೇಮಕ್ ಕರ್ಚಿ ಏಕ್ ವಾಟ್ ಆಸ್ಯೆತ್. ಪುಣ್ ಅಸಲ್ಯಾ ಜತ್ನಾಯೆಚ್ಯಾ ಕಾಮಾಕ್ ಮೆಳ್ಚಿಂಚ್ ಉಣಿಂ. ಅಶೆಂ ಮ್ಹಣ್ತಾನಾ ಭುರ್ಗಿಂ ವಗಿಂ ರಾವನಾಂತ್ ಬಗಾರ್ ಪಿಡೆಸ್ತಾಂಕ್ ಬರಿ ಜತ್ನಾಯ್ ಮೆಳ್ಚೆ ಖಾತಿರ್ ಆಸ್ರ್ಯಾಚಿ ವಾಟ್ ಸೊಧ್ತಾತ್. ಅಶೆಂ ಕೆಲ್ಲ್ಯಾ ಭುರ್ಗ್ಯಾಂಕ್ ಸಮಾಜೆನ್ ಖೆಂಡ್ಚೆಂಯ್ ಸಮಂಜಸ್ ಮ್ಹಣ್ ದಿಸಾನ. ‘ಆಪ್ಲಿಂ ವ್ಹಡಿಲಾಂ ಜಡ್ ಜಾಲ್ಯಾಂತ್’’ ಮ್ಹಳ್ಳ್ಯಾ ಉದ್ದೆಶಾನ್‌ಚ್ ತಾಂಕಾ ಆಸ್ರ್ಯಾಂತ್ ದವ್ರುಂಕ್ ಚಿಂತ್ತಾತ್ ಮ್ಹಣ್ ಆಮಿ ವಾಕ್ಕೂಲ್ ವಾಚ್ಚೆಪರಿಂ ನಾ. ಚಡಾವತ್ ಭುರ್ಗಿಂ ಆಪ್ಲ್ಯಾ ದಾತಾರಾಂಕ್ ಕೊಣ್ ಚ್ ಪಳೆಂವ್ಕ್ ನಾಸ್ತಾನಾ ತಾಣಿಂ ರಸ್ತ್ಯಾರ್ ಪಡುಂಕ್ ಸೊಡಿನಾಂತ್. ಬಗಾರ್ ತಾಣಿಂ ಆಪ್ಲ್ಯಾ ಜನ್ಮ್ ದಾತಾರಾಂಕ್ ಆಪ್ಣಾ ಥಾವ್ನ್ ಖುದ್ದ್ ಸೆವಾ ನ್ಹಯ್ ತರೀ ಆಸ್ರ್ಯಾಂತ್ ಪುಣಿ ಏಕ್ ಸುಶೆಗಾಚಿ ಜಿಣಿ ಮೆಳಾಶೆಂ ಚಿಂತಾತ್ತ್ ಹೆಂ ಆಮಿ ಮನಾಂತ್ ದವರಿಜೆ. ಕೊಣೆಂಯ್ ಜತನ್ ಘೆನಾಸ್ತಾಂ ಸೊಡ್ಚ್ಯಾ ಪ್ರಾಸ್ ಆಸ್ರ್ಯಾಂತ್ ಪುಣೀ ಮಾನಾಚಿ ಸೆವಾ ಮೆಳಾಶೆಂ ಕರ್ಚಿ ಬುದ್ವಂತ್ ಕಾಯ್ ನ್ಹಯ್ ಗಿ? ಆಸ್ರ್ಯಾಂತ್ ತಾಂಚಿ ಜತನ್ ಘೆಂವ್ಕ್ ತರ್ಬೆತಿ ಆಸ್ಚಿಂ ಜಣಾಂ ಆಸ್ತಾತ್. ವೆಳಾ ಕಾಳಾಕ್ ಖಾಣ್-ಜೆವಣ್, ನಾಣ್ ಆನಿ ನಿತಳಾಯೆಚಿ ವೆವಸ್ತಾ ಆಸ್ತಾ. ಗರ್ಜೆಕ್ ವಯ್ಜಕೀಯ್ ಚಿಕಿತ್ಸಾ ಮೆಳ್ತಾ. ಪುಣ್ ಭಾವನಾತ್ಮಕ್  ರಿತಿನ್ ಪಳೆಲ್ಯಾರ್ ಜಾಯ್ತಿಂ ವರ್ಸಾಂ ಆಪ್ಲ್ಯಾಚ್ ಖಾಸ್ ಪರಿಸರಾಂತ್ ಜಿಯೆಲ್ಲ್ಯಾಂಕ್ ಆಸ್ರ್ಯಾಚೆಮ್ ಜಿವಿತ್ ಭಾಂದ್ಪಾಸಾಚೆಂ ಜಾಯ್ತ್ ತರೀ ಭುರ್ಗಿಂ ಆಪ್ಲ್ಯಾ ಫಾಯ್ದ್ಯಾ ಖಾತಿರ್ ಪ್ರಾಯೆಸ್ತಾಂಕ್ ಆಸ್ರ್ಯಾಂತ್ ದವರ್ತಾತ್ ಮ್ಹಣ್ ದುರ್ಸೊಂಚೆಂ ಬರೆಮ್ ನ್ಹಯ್. ಇತ್ಲೆಂಚ್ ನ್ಹಯ್ ಆಸ್ತಾಂ, ಲೋಕ್ ಉಲಯ್ತಾ, ಸಮಾಜ್ ವಾಂಕ್ಡೆ ದಿಶ್ಟಿನ್ ಪಳೆತಾ ಮ್ಹಳ್ಳೆ ಖಾತಿರ್ ಪ್ರಾಯೆಸ್ತ್ ಪಿಡೆಸ್ತಾಂಚಿ ಚಾಕ್ರಿ ಕರುಂಕಿ ಸಕಾನಾಸ್ತಾಂ, ಆಸ್ರ್ಯಾಂತ್ ಬರಿ ಸೆವಾ ಲಾಭಶೆ ಕರುಂಕ್‌ಯಿ ಜಾಯ್ನಾಸ್ತಾಮ್ ಕೊಣೆಂಯ್ ಕಶ್ಟೊಂಚೆಮ್ ನ್ಹಯ್. ತಶೆಂ ಉಲಂವ್ಚ್ಯಾ ಜಾಯ್ತ್ಯಾಂಕ್  ವಾಸ್ತವಿಕ್ ಪರಿಗತೆಚೊ ಅನ್ಭವ್ ಆಸಾನಾ ಆನಿ ತಾಂಕಾಂ ತಸಲಿ ಪರಿಗತ್ ಆಯ್ಲ್ಯಾರ್ ತಾಣಿಂಯ್ ಸೊಧ್ಚಿ ವಾಟ್ ಆಸ್ರ್ಯಾಚಿಚ್.  

       
ಇತ್ಲಿ ಚಿಂತ್ನಾಂ ಆಟಯ್ಲ್ಯಾ ಉಪ್ರಾಂತ್‌ಯಿ ಜರ್ ಎಕಾ ಕುಟ್ಮಾಂತ್ ಆರ್ಥಿಕ್ ರಿತಿನ್ ತೊಂದ್ರೆ ನಾಂತ್ ಆನಿ ವ್ಹಡಿಲಾಂಚ್ಯಾ ಜತ್ನೆಕ್ ಪರಿಗತ್ ಪೂರಕ್ ಅಸಾ ತರ್ ತಾಣಿಂ ಆಪ್ಲ್ಯಾ ಮಾಲ್ಗಡ್ಯಾಂಕ್ ಘರಾಚ್ ಜತನ್ ಘೆಂವ್ಚಿ ಆದರ್ಶ್ ದಾಯಕ್. ಕಿತ್ಯಾಕ್ ಸಿರಾಕಾಚ್ಯಾ ಪುಸ್ತಕಾಂತ್ ಅಶೆಂ ವಾಚುಂಕ್ ಮೆಳ್ತಾ: “ ಜೊ ಆಪ್ಲ್ಯಾ ಆವಯ್ಕ್ ಮಾನ್ ದಿತಾ ತೊ ದಿರ್ವಿ ಪುಂಜಯ್ತಾ,” ಅಸ್ರೊ ತೊ ಆಸ್ರೊಚ್. ಪುಣ್ ಭುರ್ಗಿಂ ನಾತ್ರಾಂನಿ ಭರ್‌ಲ್ಲೆಂ ಘರ್ ಚಡ್ ದಾಧೊಸ್ಕಾಯೆಚೆಂ. ಹೆಂಚ್ ತಿಂ ಪ್ರಾಯೆಸ್ತಾಂ ಆಶೆತಾತ್. ಜ್ಯಾ ಘರಾಂತ್ ಭುರ್ಗಿಂ ಆಸಾತ್ ತಾಂಚೆ ದ್ವಾರಿಂ ಪುಣೀ ಪಿಡೆಸ್ತ್ ಪ್ರಾಯೆಸ್ತಾಂಕ್ ಸಾಂಗಾತ್ ಮೆಳ್ತಾನಾ ತಾಂಚಿ ಭಲಾಯ್ಕಿ ಸುದ್ರೊನ್ ಆದ್ಲ್ಯಾ ಸ್ವಸ್ಥ್  ಜಿಣ್ಯೆಕ್  ಪರ್ತಾಲ್ಲಿಂ ಜಾಯ್ತಿಂ ಆಸಾತ್. ಅಶೆಂ ಆಸ್ತಾಂ, ಮಾಲ್ಗಡ್ಯಾಂಚಿ ಜತನ್ ಘೆತೆಲ್ಯಾಮ್ ಥಂಯ್ ತ್ಯಾಗಾಚೊ ಮನೋಭಾವ್, ಬರೆಂ ಮನ್, ಸಮರ್ಪಣ್ ಆಸ್ಲ್ಯಾರ್ ವ್ಹಡಿಲಾಚಿ ಜತನ್ ಭೊರ್ಯಾ ವ್ಹಯ್ಲಿ ಭೊರ್ಕುಟಿ ಜಾಂವ್ಚಿ ನಾ. ಬಗಾರ್ ಎಕಾ ಪ್ರಾಯೆಸ್ತ್ ಜಿವಾಕ್ ಅಕೇರ್ ಪರ್ಯಾಂತ್ ಸಾಂಬಾಳ್ನ್ ವ್ಹೆಲ್ಲಿ ತ್ರಪ್ತಿ ತಾಂಚಿ ಜಾತೆಲಿ,

ಕೊಣಾಜೆ ಫಾತ್ರಾಲಾಗಿಂ - ಕವಿತಾ

ಕೊಣಾಜೆ ಫಾತ್ರಾಲಾಗಿಂ

ಶಿರ್ತಾಡಿಚೆ ವಾಟೆರ್ ಭಿತರ್ ದಿಸ್ಚೆ ಹೆ ಜೊವ್ಳೆ ಫಾತೊರ್ ಹಾತ್ ಉಸವ್ನ್ ಆಪಯ್ತಾತ್ ಮ್ಹಣ್ ಭೊಗ್ತಾ ತರೀ ತಾಂಚೆ ಭಿತರ್ ಆಪ್ಲ್ಯಾ ಅಸ್ತಿತ್ವಾಚೆರ್ ಕುರಾಡ್ ಪಡಾತ್ ಗಾಯ್ ಮ್ಹಳ್ಳಿ ಭಿರಾಂತ್ ಆಸತ್

ಕೊಣ್ಣಾ !! ವಯ್ರ್ ಫಾತ್ರಾಂ ಮಧೆಂ ಏಕ್ ದೀವ್ಳ್ ಆಸಾ.. ದೇವ್ ರಾಕ್ತಲೊ ಮ್ಹಳ್ಳೊ ಕುಸ್ಕುಟ್ ಭರ್ವಸೊ ದವರ್ನ್ ಜಿಯೆತ್ ಆಸಾತ್ ಹೆ ಜೊವ್ಳೆ!! ಕೊಣಾಯ್ಚೆ ದೊಳೆ ಲಾಗಾನಾ ಜಾಂವ್

ಜೊವ್ಳೆ ಕೊಣ್ಜೆ ಫಾತೊರ್ ಕಾಳೆ ಕೋಟ್

ನ್ಹೆಸ್ ಲ್ಲ್ಯಾ ವಕಿಲಾಪರಿಂ ಕಿತ್ಲೆ ಗಂಭೀರ್!

ಬಾವ್ಳ್ಯಾರ್ ಚಡ್ಲೊಂ ತಾಂಚ್ಯಾ

ಜೀವ್ ಅಬೊಲ್ಯಾ ಜಸೊ ಕಿಣಾನ್ ಹಗೂರ್

ಮುಳಾಂತ್ ರಾವುನ್ ತಾಂಚೆ ಊಂಚಾಯೆಕ್

ಉಡ್ಲ್ಯೊ ಆಸ್ಡ್ಯೊ!

ತಾಂಚೆರ್ ಬಸುನ್ ಆತಾಂ ತಿಳ್ತಾಂ ಸಕ್ಲಾ

ಶಿಂಪಾಡ್ಲ್ಯಾತ್ ಭಿರ್ಮಣ್ಣಾ ನಾಯ್ಕಾಲ್ಯಾ ಬೇಕರಿಚ್ಯೊ ತುಕ್ಡ್ಯೊ

ಸಾಯ್ಭಾ! ಸಕ್ಲಾ ಆಸ್ತಾನಾ ತ್ಯಾ ತುಕ್ಡ್ಯಾಂಕ್ ಚ್ ಮೂ

ಆಮ್ಚೆ ಮಧೆಂ ವೆಗ್ಳಾಚಾರ್ ಜಾಲ್ಲೊ

ಹರ್ ತುಕ್ಡ್ಯಾ ಕುಡ್ಯಾಂಕ್ ಮುಯೆಪರಿಂ ಝುಜ್ತಾನಾಂಚ್

ನಿರಾಶೆನ್ ಹರ್ ದೀಸ್ ಬುಡ್ಲೊ

ಕಾಳ್ಯಾ ಕೊಟಾಚ್ಯಾ ಜೊವ್ಳ್ಯಾ ವಕಿಲಾಂನೋ

ಕಿತ್ಯಾಕ್ ರೆ ಮೌನಿ, ವಾದ್ ಮಾಂಡಾತ್ ನಯ್?

ಅಸಲ್ಯಾ ಧ್ಯಾನಾನ್ ಕಿತೆಂ ಉಜ್ವಾಡ್ತಾ

ಲೊಳೊನ್ ವ್ಹಚಾ, ಸೊಡಯಾ ತುಕ್ಡ್ಯಾಂಚೊ ನ್ಯಾಯ್

“ಸಮಾಧಾನಾನ್ ವ್ಹ ಚ್ ಸಕ್ಲಾ, ಕೊಣಾಕಿ ಸಾಂಗಿನಾಕಾ”

ಪುಸ್ಪುಸೊ ಆಯ್ಕುನ್ ಘುಂವ್ಲೊಂ, ಫಾತೊರ್ ಉಲಯ್ಲೊ?!!

“ಮುಳಾಂತ್ ರೆ ಅಪಾ ಗಾಡಿಯೊ ಜಮ್ತಾನಾ

ಆಮ್ಚಿ ಆಡಿ ಹಾಲ್ತಾ ಹಾಂಗಾ

ತುಕ್ಡ್ಯಾಂಗಾರ್ ಕೆನ್ನಾಂ ತರೀ ಪಾವುನ್

ಆಮ್ಚೆಯ್ ವಾಂಟೆ ಘಾಲ್ಚೆನಾಂತ್ ಕಿತೆಂ?

ಸಮಾಧಾನಾನ್ ವ್ಹಚ್ ಸಕ್ಲಾ, ಹಿಂಗಾಚೆಂ ಹಿಂಗಾ ಸೊಡುನ್”

ಹಾಂವೆಂ ಆತಾಂ ಸಗ್ಳೆಂ ಸಾಂಗ್ಲಾಂ

ಮ್ಹಜೆ ಜಿಬೆರ್ ಉರಾನಾ ಉತರ್

ತುಮಿ ತರೀ ವಗೆ ರಾವಾ

ಪ್ರಸಾರುಂಕ್ ನ್ಹಯ್ ಹಿ ಬರಿ ಖಬರ್!

Maxim Lobo's explication of JOCI Siddakatte's poem in his column Motiyamchim Molam

ಆಮ್ಚ್ಯಾ ಸಮಾಜಾಂತ್ಲೊ ಸೌಹಾರ್ದ್ ಅಸ್ವಸ್ಥ್ ಕರ್ಚಿ  ಎಲರ್ಜಿ

ಎಲರ್ಜಿ



ಫುಲಾಂಚೆ ಮಾರ್‍ಕೆಟಿಕ್
ಜಬರ್ ದಸ್ತೆನ್ ರಿಗ್ಚೆಂ ವಾರೆಂ
ಫುಲಾಂಚ್ಯಾ ಆಂಗಾಪಾಂಗಾಂನಿ ಘುಸೊನ್
ಚಡಿತ್ ವಾರ್‍ಜಿಕ್ ಕರಿನಾಸ್ತಾಂ ಪರ್‍ಮಳ್
ಖಬ್ರೆವಿಣೆಂ ಅಪಹರ್‍ಸುನ್ ಧಾಂವ್ತಾಲೆಂ
ತೆ ಕುಶಿನ್ ಆಸ್ಚ್ಯಾ ಮಾಸಾಚೆ ಆಂಗ್ಡಿ!





ಮಾಸಾಚ್ಯಾ ಆಂಗ್ಡಿ ಆಯಿಲ್ಲ್ಯಾಂಕ್ ಮಾತ್ರ್
ಹೆಂ ಫುಂಕ್ಯಾಚೆಂ ಜಾಯ್ರಾತ್
ಆಪಾಪಿಂಚ್ ತಾಂಚಿಂ ಪಾವ್ಲಾಂ
ಫುಲಾಂತೆವ್ಶಿಂ ಘುಂವ್ತಾಲಿಂ
ಮಾಸ್ ಚಾಚಾಂವ್ಚೊ ಮಾಪ್ಳಿ ಮಾತ್ರ್
ಫುಲಾ ಪರ್‍ಮಳಾಕ್ ಸರ್‍ಸರಿತ್ ಶಿಂಕೊ ಕಾಡ್ತಾಲೊ.





ಆತಾಂ ಮಾಪ್ಳ್ಯಾನ್
ಆಂಗಡ್ ದುಸ್ರೆಕಡೆ ಉಭಾರ್‍ಲ್ಯಾ
ವಿಚಾರ್‍ತಾನಾ ಮಾಪ್ಳಿ ಮ್ಹಣ್ತಾ -
ಮ್ಹಾಕಾ ಫುಲಾಪರ್‍ಮಳಾಚಿ ಎಲರ್‍ಜಿ ಆಸಾ!



- ಜೊ. ಸಿ. ಸಿದ್ದಕಟ್ಟೆ

ಫುಲ್
ಮಾಸುಮ್, ನಾಜೂಕ್ ಆನಿ ನೈಸರ್ಗಿಕ್. ಮಾಸ್ ಎಕೆ ರಿತಿಚೆ ಹಿಂಸೆಚೊ ಪರಿಣಾಮ್. ದೆಕುನ್
ಧಾರುಣ್ ಆನಿ ಮಾರ್ಮಿಕ್ - ಶಾಕಾಹಾರಿಂಕ್! ಫುಲ್ ಆನಿ ಮಾಸ್, ಹಿಂ ಎಕಾನೇಕ್ ವಿಬಿನ್ನ್
ಪ್ರತಿಮಾ ವಿಂಚುನ್ ಚತುರ್ ಕವಿ ಜೊ.ಸಿ. ಸಿದ್ದಕಟ್ಟೆ ಆಮ್ಚ್ಯಾ ಸಮಾಜಾಂತ್
ಸೌಹಾರ್ದತೆಚಿಂ ಮುಳಾಂ ಹಾಲಂವ್ಚೊ ಏಕ್ ವಿಷಯ್ ಎಲರ್ಜಿ  ಕವಿತಾ ಮಾರಿಫಾತ್ ಬೋವ್ ಸಂಪೆ ಪುಣ್ ಪರಿಣಾಮ್‌ಕಾರಿ ರಿತಿನ್ ಸಾದರ್ ಕರ್ತಾ. 

ಫುಲ್
ಚಡಾವತ್ ಸರ್ವಾಂಕೀ ಖಾಯ್ಸ್. ಮಾಸ್ ತಶೆಂ ನ್ಹಯ್. ತಾಚಿ ರೂಚ್ ಆವಡ್ಲೆಲ್ಯಾಂಕ್ ಮಾತ್
ತೆಂ ಲಾಯೆಕ್. ಪುಣ್ ಕವಿಚ್ಯಾ ಹ್ಯಾ ಗಾಂವಾಂತ್ ಫುಲಾಚೆಂ ಆನಿ ಮಾಸಾಚೆಂ ಸುಖಿ ಸಹಜೀವನ್!
ಆನಿ ವ್ಹಾಳ್ಚೆಂ ವಾರೆಂ ಹಾಂಚೊ ಸಂಬಂಧ್ ಆನಿಕೀ ಘಟ್ ಕರ್ತಾಂ.  ತೆ ಮಾರ್ಕೆಟಿಂತ್
ಬಿಂದಾಸ್ ಭೊಂವ್ಚೆಂ ಹೆಂ ವಾರೆಂ, ಫುಲಾಂಚ್ಯಾ ಆಂಗಾ ಪಾಂಗಾಂನಿ ಸುಶೆಗಾತ್ ಘುಸೊನ್
ಚಡಿತ್ ವಾರ್ಜಿಕ್ ಕರಿನಾಸ್ತಾಂ ಖಬ್ರೆವಿಣೆಂ ತಾಂಚೊ ಪರ್ಮಳ್ ಅಪಹರ್ಸುನ್ ಮಾಸಾಚೆ
ಆಂಗ್ಡಿತೆವ್ಶಿಂ ನಿರ್ದಿಷ್ಟ್ ಶೆವೊಟಾನ್ ಮ್ಹಳ್ಳೆಬರಿಂ ಧಾಂವ್ ಮಾರ್ತಾ್. ಕಸಲೊ
ಶೆವೊಟ್‌ಗಾಯ್? ವ್ಹಾಳ್ಚ್ಯಾ ವಾರ್‍ಯಾಂಕ್ ಶೆವೊಟ್ ಆನಿ ಮಾತ್ತಿ ಗೊಬೊರ್! ಪುಣ್, ಕವಿ
ಮಾತ್ ಆಪ್ಲೊ ಶೆವೊಟ್ ರುತಾ ಕರ್‍ತಾ. ಸೌಹಾರ್ದ್ ಪಸ್ರಾಂವ್ಚೊ. ಪರಿಣಾಮ್ ಜಾವ್ನ್,
ಆಂಗಡ್ ಮಾಸಾಚಿ ತರೀ, ಥಂಯ್ ರಗ್ತಾಚೊ ವಾಸ್ ನಾ, ಬಗರ್ ಪರ್ಮಳ್ ಫುಲಾಂಚೊ! ದೆಕುನ್,
ಫುಲಾಂಚ್ಯಾ ಸ್ವಾದಾನ್ ಭುಲ್‌ಲ್ಲ್ಯಾ ಥಂಯ್ಚ್ಯಾ ಗಿರಾಯ್ಕಿಂಚಿಂ ಪಾವ್ಲಾಂ ಮಾಸ್
ವಿಕ್ತೆಂ ಘೆವ್ನ್ ಆಪಾಪಿಂಚ್ ಫುಲಾಂಚ್ಯಾ ಆಂಗ್ಡಿ ತೆವ್ಶಿಂ ವೆತಾತ್. ಆನಿ ಮಾಸಾಚ್ಯಾ
ಅಂಗ್ಡಿ ವಾರ್ಯಾಸಚೆ ಕೃಪೆನ್ ಫುಲಾಂಚೆಂ ಫುಂಕ್ಯಾಚೆಂ ಜಾಯ್ರಾತ್! ಸಗ್ಳೆಂ ಎಕ್ದಮ್
ನೈಸರ್ಗಿಕ್, ಬ್ಯೂಟಿಪುಲ್!!

ಫುಲಾಂ ಆನಿ ಮಾಸಾಚೊ ಸಂಬಂಧ್ ಘಡ್ಚಿ ತಾಂಕ್
ಕವಿಚಿ. ಫುಲಾಂಕ್ ಆನಿ ಮಾಸಾಕ್ ಇತ್ಲೋಯ್ ಅರಾಜಾಂವಿಕ್ ಸಂಬಂಧ್ ಆಸಾ ಮ್ಹಣ್ ಕೊಣೇಂಯ್
ಮತಿಕ್ ವೆಲ್ಲೆಂಚ್ ನಾ ಕೊಣ್ಣಾ! ನೀಜ್ ಜಾವ್ನ್ ಹಾಂಗಾ, ಫುಲ್ ಆನಿ ಮಾಸ್ ದೋನ್ ಧರ್ಮಾಚಿ
ಸಡಿಳ್ ಪ್ರತಿಕಾಂ ಜಾವ್ನ್ ವಾಪರ್ ಜಾಲ್ಯಾಂತ್. ಪುಲಾಂ ವಿಕ್ಚಿ ಏಕ್ ವೃತ್ತಿ, ತಶೆಂ
ಮಾಸ್ ವಿಕ್ಚಿಯ್. ದೊನಯ್ ವೃತ್ತಿಂಕ್ ತಾಂಚಿಚ್ ಘನತಾ ಆಸಾ. ತಶೆಂ ತಿ ವೃತ್ತಿ
ಸಾಂಬಾಳ್ಚ್ಯಾ ದೋನ್ ಸಮುದಾಯಾಚ್ಯಾ ಮನ್ಶಾಂಕ್. ದೋನ್ ಸಮುದಾಯ್ ಯಾ ದೋನ್ ಧರ್ಮ್
ಮ್ಹಳ್ಯಾ ಉಪ್ರಾಂತ್ ಥಂಯ್ ಹರ್ ಧರ್ಮಾಚೆಂ ಖಾಶೆಲೆಪಣ್  ಆಸಾ ದೆಕುನ್ ತಾಂಚೆ ಮಧೆಂ ಫರಕ್
ವಾಜ್ಬಿ. ತಾಂಚ್ಯಾ ಅರಾಜಾಂವಿಕ್ ಸಂಬಂಧಾಂತ್  ತಾಂಕಾಂ ಕೊಣಾಯ್ಕಿ ಸರ್ಸರಿತ್ ಶಿಂಕೊ
ಆಯ್ಲ್ಯಾರ್ ತೆಂ ಕಾಂಯ್ ನವಲ್ ನ್ಹಯ್ ಬಗರ್ ಸದಾಂಚೆಂ ಯಾ ಸಂಯ್ಬಾಚೆಂ ಮ್ಹಣ್ಯೆತ್. ಎಕಾ
ಕಾಳಾರ್, ತಾಂಕಾಂ ಶಿಂಕೊ ಸಯ್ತ್ ಯೆತಾತ್ ಮ್ಹಣೊನ್ ಕೊಣಾಯ್ಕಿ ಗೊಮ್‌ಲ್ಲೆಂಚ್ ನಾ.
ಕೊಣೆಂಯ್ ತ್ಯಾ ವಿಶಿಂ ಗಣ್ಣೆ ಕೆಲ್ಲೆಂಯ್ ನಾ! ಇತ್ತುನ್ ಮ್ಹಣಾಸರ್ ಸಗ್ಳೆಂ ಸೊಬಿತ್,
ಸುಮಧುರ್!

ಪುಣ್
ಆಜ್ ಮಾತ್ ಪರಿಗತ್ ಆದ್ಲಿ ಉರೊಂಕ್ ನಾ. ಫಕತ್ ಶಿಂಕೊ ಕಾಡ್ತೆಲ್ಯಾಂಕ್ ಆಜ್ ಎಕಾನೇಕ್
ಎಲರ್ಜಿ ಜಾಲ್ಯಾ! ಕಾಂಯ್ ಕಿತ್ಲೆಶ್ಯಾ ವರ್ಸಾಂಚ್ಯಾ ಫುಲಾಂ ಆನಿ ಮಾಸಾಚ್ಯಾ ಸಂಬಂಧಾಂತ್
ಆಜ್ ಯೇರ್ ಆಯ್ಲ್ಯಾ. ಕಿತ್ಯಾಕ್ ಜಾಂವ್ಕ್ ಪುರೊ? ಕಾಂಯ್ ತಾಂಚೊ ಸಂಬಂಧ್ ಜೋಡ್ನ್
ದಿಲ್ಲ್ಯಾಂಚೊ ದಿಷ್ಟಾವೊ ಆಜ್ ಬದ್ಲಲಾ ಜಾಯ್ಜಾಯ್. ಬೋವ್ಶಾ, ಕೊಣೆಂಗಿ ತಾಂಚೆ ಮಧೆಂ ಆಜ್
ವೀಕ್ ವೊಂಪ್ಚೆಂ ಪ್ರೇತನ್ ಕೆಲಾಂ ಜಾಯ್ಜಾಯ್. ಫರಕ್ ಉಸ್ತುನ್, ಆಮಿ ಆನಿ ತುಮಿ ಎಕ್ದಮ್
ವೆಗ್ಳೆ ಮ್ಹಣ್ ದಾಕೊವ್ನ್  ವೆತ್ಯಾಸ್ ಉಗ್ತಾಡಾಕ್ ಹಾಡ್ಚೆಂ ಆಪ್ಲೆಂ ಮಿಸಾಂವ್ ಜಾಯಿರ್
ಕೆಲಾಂ ಜಾಯ್ಜಾಯ್! ಕೊಣೆಂ ಜಾವ್ಯೆತ್? ಕಾಂಯ್ ಧರ್ಮಾಂದ್ಳ್ಯಾಂನಿ? ಕಿತ್ಯಾಕ್
ಜಾವ್ಯೆತ್? ಕಾಂಯ್ ಆಪ್ಲೊ ಸ್ವಾರ್ಥ್ ಪೊಂತಾಕ್ ಪಾವಂವ್ಕ್? ಗ್ಲೊಬಲೈಜೆಶನಾ ವರ್ವಿಂ
ಆದಿಂ ಆಸ್‌ಲ್ಲೆಬರಿಂ ಆಜ್ ಧರ್ಮಾಚಿ ಮೇರ್, ವೃತ್ತೆಂಕ್ ಮೆಕ್ಳೆಂ ಕರ್ನ್ ದವರುಂಕ್
ಸಕೊಂಕ್ ನಾ. ಆಜ್ ವೃತ್ತಿ ಧರ್ಮಾಚಿ ಮೇರ್ ಮಸ್ತುನ್ ರಾವ್ಲ್ಯಾ. ಪುಣ್ ಧರ್ಮ್ ಪಾಳ್ಚ್ಯಾ
ಚಿಲ್ಲರ್ ಮನ್ಶಾಂಚೆ ಚಾಲಿಂತ್ ಮಾತ್ ಎಕಾಮೆಕಾ ಥಂಯ್ ಕೊಂಕ್ರೆಟಿಚೊ ದೊರೊ ಉಬೊ ಜಾಂವ್ಕ್
ಸುರು ಜಾಲಾ!

ಗಾಂವಾ ಗಾಂವಾಂನಿ ಫಕತ್ ಥೊಡ್ಯಾಚ್ ವರ್ಸಾಂಚ್ಯಾ ಅಂತರಾರ್
ಪರಿಸ್ಥಿತಿ ಬದ್ಲೊಂಕ್ ಲಾಗ್ಲ್ಯಾ. ಥೊಡ್ಯಾ ವರ್ಸಾಂ ಆದಿಂ ಧಾರ್ಮಿಕ್ ಆಚರಣಾ ಯಾ ಹೆರ್
ಥೊಡೆ ಕಡೆನ್ ಭಾಸ್ ಸೊಡ್ನ್ ಆಮ್ಚ್ಯಾ ವೆವೆಗ್ಳ್ಯಾ ಧರ್ಮಾಂ ಮದೆಂ ಕಾಂಯ್ ಫರಕ್ ಆಸಾ
ಮ್ಹಣ್ ಕೊಣಾಯ್ಕಿ ಗಮ್‌ಲ್ಲೆಂಚ್ ನಾ. ಪುಣ್ ಪಾಟ್ಲ್ಯಾ ಥೊಡ್ಯಾ ವರ್ಸಾಂನಿ ಗಾಂವಾ
ಗಾಂವಾಂನಿ ಕೊಣೆಂಗಿ ಸವ್ಕಾಸ್ ವೀಕ್ ವೊಂಕುಂಕ್ ಸುರು ಕೆಲಾಂ. ಪರಿಣಾಮ್ ಜಾವ್ನ್
ಆಮ್ಚ್ಯಾ ಸಮಾಜಾಚಿ ಭಲಾಯ್ಕಿ ಬಿಗ್ಡೊಂಕ್ ಸುರು ಜಾಲಿ. ತಶೆಂ ಆಯ್ಲೆವಾರ್, ಎಕಾಚ್ಛಾಣೆ,
ತೆ ಆನಿ ಆಮಿ ಸೈಂಭಾನ್ ವೆಗ್ಳೆ ಮ್ಹಣ್ ಆಮಿ ಭಾಸುಂಕ್ ಸುರು ಕೆಲಾಂ. ಆನಿ ತ್ಯಾ ಪರ್ಮಾಣೆ
ಜಿಯೆಂವ್ಕಯ್ ಸುರು ಕೆಲಾಂ!

ಕಾಂಯ್ ವರ್ಸಾ ಆದಿಂ ಜೆಂ ಕಿತೆಂ ಆಮಿ ಜಿಯೆವ್ನ್
ಆಸಲ್ಲ್ಯಾಂವ್ ತ್ಯಾ ವಿಶಿಂ ಆಜ್ ವೆದಿರ್ ಭಾಷಣಾಂ ಕರ್ಚಿ ಗರ್ಜ್ ಪಡ್ಲ್ಯಾ. ಪುಣ್
ವಿಪರ್ಯಾಾಸ್ ಮ್ಹಳ್ಯಾರ್ ಥೊಡೆಪಾವ್ಟಿಂ ಅಸಲೆ ವೆದಿಂನಿ ಅಂತರ್ ಧರ್ಮಿಯ್ ಸೌಹಾರ್ದಾಚಿಂ
ಸೂತ್ರಾಂ ಪೇಶ್ ಕರ್‍ಚೆ ಮನಿಸ್‌ಚ್ ಪಡ್ದ್ಯಾ ಪಾಟ್ಲ್ಯಾನ್ ತೆಂ ಕದ್ವಳಾಂವ್ಚೆ
ಗಿರಾಯ್ಕ್! ದೆವಾಚ್ಯಾ ಖರ್‍ಯಾ ಮೊಗಿಂಕ್ ಧರ್ಮಾಂಚ್ಯಾ ಖರ್‍ಯಾ ಪಾಟ್ಲಾವ್ದಾರಾಂಕ್
ಅಂತರ್ ಧರ್ಮಿಯ್ ಸೌಹಾರ್ದಾಚಿ ಗರ್ಜ್ ನಾ. ತಾಚಿ ಗರ್ಜ್ ಆಸಾ ಧರ್ಮಾಚೆಂ ತಾಳ್‌ಮೂಳ್
ಸಾರ್ಕೆಂ ಕಳಿತ್ ನಾತಲ್ಲ್ಯಾ ಧರ್ಮಾದ್ಳ್ಯಾಂಕ್. ಆಮ್ಚ್ಯಾ ಧರ್ಮಾವಿಶಿಂ ಆಮ್ಕಾಂ
ಅಬಿಮಾನ್ ಆಸಾಜಾಯ್ ಶಿವಾಯ್  ಸುಪಿರಿಯೊರಿಟಿ ಕೊಂಪ್ಲೆಕ್ಸ್ ನ್ಹಯ್! ತಶೆಂ, ಉರಲ್ಲ್ಯಾ
ಧರ್ಮಾಂವಿಶಿಂ ಆಮ್ಕಾಂ ಗೌರವ್ ಆಸಾಜಾಯ್ ಶಿವಾಯ್ ತಾತ್ಸಾರ್ ನ್ಹಯ್. ಥೊಡೆ ಪಾವ್ಟಿಂ
ಹೆರ್ ಧರ್ಮಾಂವಿಶಿಂ ಆಮ್ಚೆಂ ವಿಶಾಲ್ ಚಿಂತಪ್ ಸೌಹಾರ್ದ್ ಕಾರ್ಯಕ್ರಮಾಂಕ್ ಮಾತ್ ಸೀಮಿತ್
ನ್ಹಯ್? ಆಮ್ಚ್ಯಾ ಮನಾಂತ್ಲೊ ಮನಸ್ತಾಪ್, ಚೂಕ್ ಸಮ್ಜಣಿ ಒಟ್ಟಾರೆ, ಎಲರ್ಜಿ ಗೂಣ್
ಕರುಂಕ್ ಕೊಣ್ ತಯಾರ್ ಆಸಾ??
-ಮ್ಯಾಕ್ಸಿಮ್ ಲೋಬೊ

मोतयांचीं मोलां: आमच्या समाजांतलो सौहार्द अस्वस्थ करची एलर्जी

फूल मासूम, नाजूक आनी नैसर्गीक. मास एके रितिचे
हिंसेचो परिणाम. देकून धारूण आनी मार्मीक - शाकाहारींक! फूल आनी मास, हीं
एकानेक विबिन्न प्रतिमा विंचून चतूर कवी जो.सी. सिद्दकट्टे आमच्या समाजांत
सौहार्दतेचीं मुळां हालंवचो एक विषय एलर्जी कविता मारिफात बोव संपे पूण परिणाम‌कारी रितीन सादर करता. 

फूल
चडावत सर्वांकी खायस. मास तशें न्हय. ताची रूच आवडलेल्यांक मात तें लायेक.
पूण कविच्या ह्या गांवांत फुलाचें आनी मासाचें सुखी सहजीवन! आनी व्हाळचें
वारें हांचो संबंध आनिकी घट करता.  ते मार्केटिंत बिंदास भोंवचें हें
वारें, फुलांच्या आंगा पांगांनी सुशेगात घुसोन चडीत वार्जीक करीनासतां
खबरेविणें तांचो पर्मळ अपहर्सून मासाचे आंगडितेवशीं निर्दिष्ट शेवोटान
म्हळ्ळेबरीं धांव मारता. कसलो शेवोट‌गाय? व्हाळच्या वाऱ्यानक शेवोट आनी
मात्ती गोबोर! पूण, कवी मात आपलो शेवोट रुता कर्ताा. सौहार्द पस्रांवचो.
परिणाम जावन, आंगड मासाची तरी, थंय रग्ताचो वास ना, बगर पर्मळ फुलांचो!
देकून, फुलांच्या स्वादान भूल‌ल्ल्या थंयच्या गिरायकिंचीं पावलां मास
विक्तें घेवन आपापिंच फुलांच्या आंगडी तेवशीं वेतात. आनी मासाच्या अंगडी
वाऱ्यासचे कृपेन फुलांचें फुंक्याचें जायरात! सगळें एकदम नैसर्गीक,
ब्यूटिपूल!!

फुलां आनी मासाचो संबंध घडची तांक कविची. फुलांक आनी
मासाक इतलोय अराजांवीक संबंध आसा म्हण कोणेंय मतीक वेल्लेंच ना कोण्णा! नीज
जावन हांगा, फूल आनी मास दोन धर्माची सडीळ प्रतिकां जावन वापर जाल्यांत.
फुलां विकची एक वृत्ती, तशें मास विकचीय. दोनय वृत्तिंक तांचीच घनता आसा.
तशें ती वृत्ती सांबाळच्या दोन समुदायाच्या मनशांक. दोन समुदाय या दोन धर्म
म्हळ्या उपरांत थंय हर धर्माचें खाशेलेपण  आसा देकून तांचे मधें फरक
वाजबी. तांच्या अराजांवीक संबंधांत  तांकां कोणायकी सर्सरीत शिंको आयल्यार
तें कांय नवल न्हय बगर सदांचें या संयबाचें म्हण्येत. एका काळार, तांकां
शिंको सयत येतात म्हणोन कोणायकी गोम‌ल्लेंच ना. कोणेंय त्या विशीं गण्णे
केल्लेंय ना! इत्तून म्हणासर सगळें सोबीत, सुमधूर!

पूण आज मात परिगत
आदली उरोंक ना. फकत शिंको काडतेल्यांक आज एकानेक एलर्जी जाल्या! कांय
कितलेश्या वर्सांच्या फुलां आनी मासाच्या संबंधांत आज येर आयल्या. कित्याक
जावंक पुरो? कांय तांचो संबंध जोडन दिल्ल्यांचो दिषटावो आज बदलला जायजाय.
बोवशा, कोणेंगी तांचे मधें आज वीक वोंपचें प्रेतन केलां जायजाय. फरक उसतून,
आमी आनी तुमी एकदम वेगळे म्हण दाकोवन  वेत्यास उग्ताडाक हाडचें आपलें
मिसांव जायीर केलां जायजाय! कोणें जाव्येत? कांय धर्मांदळ्यांनी? कित्याक
जाव्येत? कांय आपलो स्वार्थ पोंताक पाववंक? ग्लोबलैजेशना वर्वीं आदीं
आस‌ल्लेबरीं आज धर्माची मेर, वृत्तेंक मेकळें कर्न दवरुंक सकोंक ना. आज
वृत्ती धर्माची मेर मसतून रावल्या. पूण धर्म पाळच्या चिल्लर मनशांचे चालिंत
मात एकामेका थंय कोंक्रेटिचो दोरो उबो जावंक सुरू जाला!

गांवा
गांवांनी फकत थोड्याच वर्सांच्या अंतरार परिस्थिती बदलोंक लागल्या. थोड्या
वर्सां आदीं धार्मीक आचरणा या हेर थोडे कडेन भास सोडन आमच्या वेवेगळ्या
धर्मां मदें कांय फरक आसा म्हण कोणायकी गम‌ल्लेंच ना. पूण पाटल्या थोड्या
वर्सांनी गांवा गांवांनी कोणेंगी सवकास वीक वोंकुंक सुरू केलां. परिणाम
जावन आमच्या समाजाची भलायकी बिगडोंक सुरू जाली. तशें आयलेवार, एकाच्छाणे,
ते आनी आमी सैंभान वेगळे म्हण आमी भासुंक सुरू केलां. आनी त्या पर्माणे
जियेंवकय सुरू केलां!

कांय वर्सा आदीं जें कितें आमी जियेवन
आसल्ल्यांव त्या विशीं आज वेदीर भाषणां कर्ची गर्ज पडल्या. पूण वीपऱ्याास
म्हळ्यार थोडेपावटीं असले वेदिंनी अंतर धर्मीय सौहार्दाचीं सूत्रां पेश
कर्चेू मनीस‌च पडद्या पाटल्यान तें कद्वळांवचे गिरायक! देवाच्या खऱ्याू
मोगिंक धर्मांच्या खऱ्याय पाटलावदारांक अंतर धर्मीय सौहार्दाची गर्ज ना.
ताची गर्ज आसा धर्माचें ताळ‌मूळ सार्कें कळीत नात‌ल्ल्या धर्मादळ्यांक.
आमच्या धर्माविशीं आमकां अबिमान आसाजाय शिवाय  सुपिरियोरिटी कोंपलेक्स
न्हय! तशें, उरल्ल्या धर्मांविशीं आमकां गौरव आसाजाय शिवाय तात्सार न्हय.
थोडे पावटीं हेर धर्मांविशीं आमचें विशाल चिंतप सौहार्द काऱ्यक्रमांक मात
सीमीत न्हय? आमच्या मनांतलो मनसताप, चूक समजणी ओट्टारे, एलर्जी गूण करुंक
कोण तयार आसा??



























http://www.kavitaa.com/display_books.asp?id=106#.VBHNwGNqvfl

Paper by Br. Jo Cy on Wilfy Rebimbus Literature